Հայկ Խանումյան - Mediamax.am

Հայկ Խանումյան
Հայկ Խանումյան
«Արցախի եվրոպական շարժում» ՀԿ նախագահ
Ջազը մեր քաղաքում Ստեփանակերտում ջազի հնչյուններ են: Աշխարհահռչակ գյումրեցի Տիգրան Համասյանն է` նյույորքյան իր փոքրիկ խմբով: Գեղամ Սարյանի, Հովհաննես Թումանյանի, ուրիշների բանաստեղծությունների համասյանական մեկնաբանումներ, որոնք ժամանակ առ ժամանակ դահլիճին ստիպում են պայթել ծափահարություններից:
Արցախյան «политкорректность» Քիչ թե շատ նորմալ քաղաքական համակարգ ունեցող երկրներում, որտեղ կա քաղաքական տրամաբանություն եւ քաղաքական կյանք, կարեւոր դեր է վերապահված քաղաքական, պետական գործիչների հերթագայությանը: Իշխող կուսակցության պարտության դեպքում, հանձնելով կարեւոր պաշտոնները, նախկին պաշտոնյաները սահուն անցում են կատարում դեպի վերլուծական կենտրոններ եւ համալսարաններ: Այստեղ նրանք սպասված են` իրենց փորձառությամբ նոր շունչ հաղորդելու համար, միեւնույն ժամանակ հենց այդ նախկին պաշտոնյաներն ունեն համալսարանական, վերլուծական շրջանակների կարիքը` աշխարհում շրջանառվող նոր տեսություններին ծանոթանալու, համաշխարհային մտքի զարկերակը զգալու համար: Սա կարեւոր գործոն է:
ԱՄՆ օգնության վերացումն առաջին ազդանշանն էր 10 մլն դոլարը փոքր գումար չէ Արցախի համար, այն երկրի տարեկան բյուջեի 6-7 տոկոսին է հավասար: Վերջին տարիներին մոտավորապես այդքան գումար էր տրամադրում ԱՄՆ Կոնգրեսն Արցախին: Բայց գումարի չափից կարեւոր էր հենց հատկացման փաստը: ԱՄՆ-ը Հայաստանից բացի միակ երկիրն էր, որ պետական մակարդակով աջակցում էր չճանաչված Արցախի Հանրապետությանը:
Ինչու՞ սփյուռքի գումարները չեն հոսում Արցախ Վերջերս “Արցախի ներդրումային հիմնադրամի” գրքույկներից մեկն էր ձեռքս ընկել, որտեղ Արցախի ներդրումային դաշտի գրավչությունն էր ներկայացված: Այնքան գեղեցիկ էր ամեն բան նկարագրված, որ խիստ ափսոսացի բիզնեսմեն չլինելու համար: Ի~նչ մեծ սիրով ներդրում կանեի ես Արցախում:
Չճանաչվածության սինդրոմ Վերջերս ընկերներիցս մեկը մեկնեց մասնակցելու մի լուրջ կոնֆերանսի… Կոսովոյում: Մի այլ ընկեր Պրիշտինայում այժմ մասնակցում է բավականին հետաքրքիր ամառային դպրոցի: Մի քանի տարի առաջ էլ ես Փարիզում ընթացող մի կոնֆերանսի ժամանակ կոսովար մի փիլիսոփայի հետ ծանոթացա: Հասարակական սեկտորի իմ ընկերները սիրում են բերել Կոսովոյի օրինակը. այս փոքրիկ կիսաճանաչված երկրում հարյուրներով են հաշվում միջազգային հասարակական կազմակերպությունները, որոնք տարբեր ծրագրեր են իրականացնում: Միգուցե ասեք, որ լավ տեղ են գտել փող լվանալու, բայց համաձայնեք, հսկայական փողեր են ծախսում այս երկրում՝ վճարելով հարկեր ու աշխատավարձեր, ստեղծում են տարբեր հնարավորություններ, այդ թվում զարգացման համար, իմ ու իմ նմանների էլեկտրոնային փոստատուփն էլ լցվում է տարբեր նամակներով, որոնք մեզ հրավիրում են Կոսովո՝ գիտաժողովի, ամառային դպրոցի եւ նույնիսկ՝ սովորելու:
Տարածք չհանձնելու միակ բանաձևը Այս էլ որերորդ անգամ Հայաստանի և Ադրբեջանի նախագահների հանդիպումից հետո կրկին փաստելու ենք ստատուս քվոյի մասին: Ստատուս քվո ասելով, տվյալ դեպքում հասկանում ենք մոտ 12 հազար քառակուսի կմ տարածք ունեցող Արցախի Հանրապետություն: Սակայն այս ստատուս քվոն կարծես թե դարձել է սինդրոմ՝ մեզ մղելով անարդյունավետության:
Արմակադը բացառիկ նվեր է Իմ ուղեղում ոչ մի կերպ չեն տեղավորվում այն մարդկանց գործերը, որոնք ուղղված են տարբեր հնարավորություններ փակելուն, զարգացմանը միտված կառույցները ոչնչացնելուն, տոտալ հսկողության սահմանմանը, անգրագիտության եւ կոռուպցիայի խրախուսմանը, քաղաքացիական ակտիվության եւ անհատական զարգացման, ինքնարտահայտման պայմանների սահմանափակմանը:
Խորհրդային օկուպացիա Արցախում Համաշխարհային տնտեսական ֆորումի նիստերից մեկում ՀՀ վարչապետ Տիգրան Սարգսյանն ասել է. «անցումային տնտեսությամբ երկրներում պետությունը պետք է աստիճանաբար իր գործառույթները փոխանցի քաղաքացիական հասարակությանը, ինչը շատ ծանր է, քանի որ ցանկացած կոռումպացված համակարգ կամովին չի հրաժարվում իր լիազորություններից:
Մեր ժամանակների հերոսները Մեր այսօրվա հասարակական դիսկուրսի մեջ մեծ դեր են խաղում հեռուստատեսային արտադրանքի որակի, հատկապես՝ տարատեսակ սերիալների եւ հաղորդումների մասին զրույցները: Զանգվածային գիտակցության վրա հսկայական ազդեցություն ունեցող այս գործիքներն էլ առանձնապես աճող սերնդի մոտ ձեւավորում են չարի ու բարու, լավի ու վատի կերպարները՝ մեր ժամանակների հերոսներին: Սերիալներից սովորած գողական եւ փողոցային բառապաշարը յուրացնող դպրոցականի համար ստեղծվում են արժեքային համակարգեր, որոնք բոլորովին չեն համապատասխանում մեր ազգային նպատակներին: Նմանատիպ սերիալ արտադրողներն ապացուցում են իրենց արտադրանքի պահանջված լինելը՝ հղում կատարելով այս կամ այն սերիալի ռեյտինգին: Սա հիմք է տալիս ավելացնել նմանատիպ արտադրանքի թողարկումը, մտնել մրցակցության մեջ:
Ստեփանակերտյան սկզբունքներ Իմ գիտակից կյանքի վերջին տասը տարում բազմաթիվ անգամներ եմ լսել, որ արցախյան խնդիրը ուր որ է պետք է լուծվի: Ժամանակ առ ժամանակ հայտնվում են տարբեր մասշտաբի գործիչներ, վերլուծաբաններ, որոնք հայտարարում են, որ այս կամ այն ժամկետում ինչ-ինչ սկզբունքների շուրջ համաձայնություն է լինելու:
Լրահոս

Տարածաշրջան | Ապրիլ 26, 2024 14:55
«Բաքուն, Մոսկվան եւ Անկարան հաջողությամբ համակարգում են ջանքերը»

Տարածաշրջան | Ապրիլ 26, 2024 10:00
Հայաստանի եւ Ադրբեջանի սահմանին տեղադրվել է 20 սահմանային սյուն

Հասարակություն | Ապրիլ 26, 2024 09:53
Գարեգին Բ-ն պատգամել է ուղղորդել հայորդիներին Ճշմարտության ճանապարհով
Մեր ընտրանին
Նախագծի մասին | Կապ | Օգտագործման կարգ  | Գովազդ
Design by Balasanyan designbureau
© Copyright Mediamax Media Company LLC 1999 -2024
​
​