Անահիտ Ադամյան

Անահիտ Ադամյան
Բանասիրական գիտությունների թեկնածու, պետական դասի խորհրդական 2-րդ աստիճանի

ՈՒրբաթ 12 Հուլիս 2024 12:44 Ղևոնդ վարդապետ Հովհաննիսյան. Հայը Երուսաղեմում օտարության մեջ է Երուսաղեմի սուրբ Հրեշտակապետաց վանքի տեսուչ Ղևոնդ վարդապետ Հովհաննիսյանին հանդիպել եմ 2013-ի մայիսին, Երուսաղեմում, երբ ուխտագնացության էի գնացել Սուրբ Հող: Նրա հետ հանդիպումը այնքան ներդաշնակ շարունակություն էր այդ օրերի տպավորությունների ու զգացումների, որ պարզ զրույցից հետո ինքս հարցազրույց խնդրեցի, թեպետ ծանոթության սկզբում նա չգիտեր էլ, որ ես ոչ միայն Հայաստանից Երուսաղեմ գնացած ուխտավոր եմ, այլև՝ լրագրող: Եվ իսկապես ուրախ էի, որ ինչ-որ պահից մեր խոսակցությունը վերածվեց հարցազրույցի, որ «Հայերը սուրբ երկրում» անցյալում ու ներկայում՚ վերնագրով տպագրվեց «Իրատես de facto»-ում, երբ ես դեռ Երուսաղեմում էի:

Հինգշաբթի 4 Հուլիս 2024 12:59 Անուշ Նագգաշյան. Ես երբեք չեմ զգացել, որ Հայաստանից դուրս եմ մեծացել 2013-ի մայիսին ես Երուսաղեմում էի, թեպետ հայ համայնքի հետ հանդիպումներ նախատեսված չէին, երուսաղեմաբնակ հրաշալի բանաստեղծուհի Անուշ Նագգաշյանի հետ հանդիպման հնարավորություն ստեղծվեց եւ մենք երկուսով հրաշալի երեկո անցկացրինք Սիոնի վրա գտնվող նրա տանը, հընթացս էլ՝ հարցազույց, որ հրապարակվեց 2013-ի մայիսի 3-ին «Իրատես de facto»-ում «Ցավալի է, որ հիմա մեր փոքրիկները եւ դպրոցում, եւ տանը արաբերեն են խոսում» վերնագրով:

ՈՒրբաթ 28 Հունիս 2024 16:26 Միջերկրականը, որ հոսում է ժամանակի միջով Իսրայելում վերջին օրը անցավ Թել Ավիվում: Ավելի ստույգ վերջին մեկ գիշերը և մեկ երեկոն: Իսկ գիշերը սկսվեց հյուրանոցից մի քանի մետր հեռու ծփացող Միջերկրական ծովից, որի ալիքները համառորեն ջնջում էին այն անունները, որ ես ավելի համառ գրում էի ափին: Դեպի գիշեր խորացող ծովի ջուրը ցերեկվա ջերմությունը դեռ չէր կորցրել ու հաճելիորեն սողոսկում էր մաշկիցդ ներս` կամաց-կամաց քեզ էլ դարձնելով իր հետ մեկ ամբողջություն:

ՈՒրբաթ 21 Հունիս 2024 17:43 Հանդիպումներ Հիսուսի հետ Գալիլեայում Տիբերիա հասանք Գոլանի բարձունքների եզրով: Մյուս կողմում Սիրիան է: Սկսեմ Գալիլեայի ծովակից, ջուրը թափանցիկ է այնքան, որ երևում են ձկները:

ՈՒրբաթ 14 Հունիս 2024 18:00 Բեթղեհեմի աստղի ու Իսրայելի երկնքի տակ Երուսաղեմի օրը, երբ ամբողջ Իսրայելից երիտասարդները գալիս են Հին քաղաք աղոթքի ու օրհնության, առաջին անգամ Երւսաղեմի երկնքում երևացին ամպեր: Հեռու ու գեղեցիկ, ինչպես անկառավարելի գեղեցիկ կարող է լինել միայն երկնաբնակը: Իսկ մենք գնացինք Բեթղեհեմ, այսինքն՝ Պաղեստին: Ճանապարհը կարճ էր, համարյա մեկ ժամ, գուցե ավելի քիչ: Ու մինչ կհասնեինք Իսրայելն ու Պաղեստինը բաժանող նշանավոր պատին, որ, բնականաբար, պիտի անցներ հայերին պատկանող հողով, ձախում Եղիա մարգարեի վանքը տեսանք, որտեղից նա կառքով բարձրացել է երկինք:

ՈՒրբաթ 7 Հունիս 2024 16:06 Բացարձակ կապույտ երկնքի ու բացարձակ արևի տակ Հրեաները Երուսաղեմում ապրում են առանձին կյանքով: Միանշանակ նրանք ունեն միայն իրենց Երուսաղեմը: Եվ դա առանձին պատմություն է: Հրեաներն ունեն նաև իրենց Հիսուսը, որ նույնպես առանձին պատմություն է: Հրեաների առանձին Երուսաղեմի առանձին պատմություն է Լացի պատը:

ՈՒրբաթ 31 Մայիս 2024 10:17 Ինչ գրեցի`գրեցի 2013-ին Իսրայելն ապրում է 5773 թվականը իր գոյության: Մայիսի 3-ին Երուսաղեմում, ինչպես ամբողջ աշխարհում, ուրբաթ էր: Բայց իսրայելյան ուրբաթն ամբողջ աշխարհից տարբերվում է, որովհետև ուրբաթը նախորդում է շաբաթին, իսկ շաբաթն Իսրայելը 5773 տարի ապրում է ամբողջ աշխարհից տարբեր: Բայց դա շատ հին պատմություն է, որ Ավագ շաբաթվա հետ կապ չունի: Սիոն լեռը Աստծո սիրած լեռն է, ու եթե աշխարհն Աստծո աչքն է, Սիոնը աչքի բիբն է՝ այդպես են ասում Երուսաղեմում: Սիոն լեռան վրայի սրբավայրերը արդեն ամեն ինչ ասում են իրենք իրենց մասին: Խորհրդավոր ընթրիքը հիշու՞մ եք:

ՈՒրբաթ 24 Մայիս 2024 10:24 Երուսաղեմ, Երուսաղեմ, Երուսաղեմ… Այս պատմությունը երկար նախաբան ունի, իսկ վերջաբան՝ ոչ:Եվ պատմության սկիզբը բնավ ես չեմ՝ 2007-ից Այդին Մորիկյանը տարված էր մարդկության պատմության ամենազարմանալի ու ամենաանհայտ երեք օրերով՝ Հիսուսի խաչելությունից մինչև նրա հարությունը: Իրականում՝ անհայտ, որովհետև անգամ Ավետարաններում համարյա ոչինչ այդ օրերի մասին չկա՝ կոնկրետ ի՞նչ է եղել Երուսաղեմում, Հիսուսի աշակերտներն ի՞նչ են արել ու ինչո՞վ են զբաղվել:

ՈՒրբաթ 10 Մայիս 2024 09:37 Աշոտ Մանուչարյան. Ամեն ժողովրդի պատմության մեջ գոնե մեկ անգամ իր շեփորը հնչում է Աշոտ Մանուչարյանի հետ ևս մեկ հարցազրույց եմ ուզում հիշել ու հիշեցնել, որ 2013-ի հունվարի 18-ին էր: «Իրատես de facto» ակումբում ասուլիսից հետո և տպագրվեց «Մարդիկ ուզում են պահպանել հոգու աշխարհը, որ մտածեն վերադարձի մասին» մասին վերնագրով: Հարցերը համարյա նույն շրջագծում էին, բայց արդեն այլ շեշտադրումներով:

ՈՒրբաթ 3 Մայիս 2024 10:03 Աշոտ Մանուչարյան. Պողոսից ու Պետրոսից բացի միշտ կգտնվի Կիրակոս Չգիտեմ ինչու՝ վերջերս սկսել եմ շատ մտածել իմ սերնդի ճակատագրի մասին: Դառը ու դժվար մտքեր են խռնվում շուրջբոլորս, երբ ավելի շատ ընկերների ու մտերիմների հանդիպում եմ… գերեզմանոցում, ուր հաճախ եմ գնում, որովհետև կարոտում եմ ծնողներիս: Շուրջբոլորս խռնված այդ մտքերից ազատվելու ու հոգուցս ներս չթողնելու համար ուզում եմ հիշել միայն լավագույնն ու առավելագույնը, որ եղել է իմ սերնդի կյանքում:

ՈՒրբաթ 26 Ապրիլ 2024 10:31 Գագիկ Եգանյան. Սարը ստորոտում ու սարը գագաթին բոլորովին տարբեր են 1997-ին աշխատանքի անցա ՀՀ Սոցիալական ապահովության նախարարությունում՝ իբրև մամլո քարտուղար: Տարիների հեռվից գնահատելով՝ ծանր աշխատանք էր՝ առավոտյան 9-ից մինչև նախարար Հրանուշ Հակոբյանը տուն գնար, իսկ նա սիրում էր բուն աշխատանքը սկսել, երբ աշխատանքային ժամն ավարտվում էր: Ծանր էր նաև այն պատճառով, որ սոցիալական վիճակն էր ծանր երկրում: Իմ աշխատասենյակը նախարարի աշխատասենյակի դեմդիմաց էր ու շատ հաճախ նրա ընդունելությանը սպասողները հանգրվանում էին իմ սենյակում ու պատմում իրենց կյանքը… Բայց այդ տարիներին ես կուտակեցի մեեեծ փորձ ու ծանոթացա հիանալի մարդկանց հետ:

ՈՒրբաթ 19 Ապրիլ 2024 14:43 «Թոպրակ»… Իմ լրագրողական ու աշխատանքային կյանքում բազում հանդիպումեր են եղել այլազգիների հետ: Եվ հարցազրույցներ եմ վարել, և ԱԺ-ում աշխատելու տարիներին ԱԺ նախագահների գլխավորած պատվիրակությունների կազմում մեկնել եմ տարբեր երկրներ, Երևանում էլ լուսաբանել եմ նրանց հանդիպումերը Աժ նախագահների հետ:

ՈՒրբաթ 12 Ապրիլ 2024 16:06 Ինչպես հանդիպեցի …Չարենցին Անցյալ դարում էր: Նույնիսկ հազարամյակում: Սովորական օր էր, արթնացա ու զգացի, որ պիտի գրեմ: Գրում էի ինձ համար անծանոթ բառեր, գրում էի արագ ու չգիտեի՝ հաջորդ բառը ինչ է լինելու: Միայն գրելուց հետո հասկացա, որ... բանաստեղծություն եմ գրել: Դե ոչ առաջինն էր, ոչ էլ վերջինը, բայց իմը չէր: Ու հիշեցի՝ ամենայն մանրամասներով, նույնիսկ բույրերով: Հիշեցի երազս: Դռան զանգը հնչեց արտասովոր երկար, առանց նայելու՝ ով է, բացեցի, ու մեր տանը հայտնվեց Եղիշե Չարենցը:

ՈՒրբաթ 5 Ապրիլ 2024 10:44 Հակոբ Հակոբյան. Մեզ սպանում են, բայց մենք շարունակում ենք գոյություն ունենալ Մեր վերջին հարցազրույցը՝ տպագրված 2003-ին «Հայացք Երևանից» ամսագրի մայիսի համարում, ուներ «Սիրում եմ նկարել ու նկարներով մարդկանց կողքին լինել» վերնագիրը: Ես նրան հարցրի.

ՈՒրբաթ 29 Մարտ 2024 13:18 Հակոբ Հակոբյան. Ես նկարել եմ իմ կյանքը 2002-ի աշնան սկզբին ես նորից Հակոբ Հակոբյանի հյուրն էի, հարցազրույցը՝ «Ես իմ կյանքն եմ նկարել» վերնագրով, տպագրվեց «Օրրանի» սեպտեմբերի 5-ի համարում: Հիշում եմ, որ ինքն էր զանգահարել: Կարծում էի՝ ինչ-որ հատուկ ասելիք ունի, բայց ամբողջ հարցազրույցում այդպես էլ առանձնահատուկը չգտա ու երբ վերջում հարցրի՝ կա՞ր հարց, որ չտվեցի, բայց ասելիք ունեք, անմիջապես հասկացավ բուն հարցս՝ ինչու՞ էիք կանչել, ու՝ պատասխանեց. «Ինչ անսիրտ մարդ ես դուն, կարոտել չես գիտեր»… Գիտեի ու գիտեմ, բայց այնքան մեծ էր ու է ակնածանքս ու սերս Հակոբ Հակոբյանի անձի ու գործի հանդեպ, որ անառիթ գնալ կամ զանգահարել ու զրուցել պարզապես չէի կարող: Բայց այդ օրը ես իսկապես նրան տվեցի հարց, որ չէի տվել մինչ այդ՝ Արցախի մասին.

ՈՒրբաթ 22 Մարտ 2024 17:19 Հակոբ Հակոբյան. Ամեն մարդ իր տեղն ու իր պարտականություններն ունի իր երկրի մեջ 2002-ի օգոստոսի 29-ին «Օրրանում» հրապարակվեց մեր հաջորդ հարցազրույցը՝ «Արվեստագետն ապրում է իր ժողովրդի մեջ»: «Ի՞նչ կարող է անել արվեստագետն այսօր» հարցին Հակոբ Հակոբյանը պատասխանել էր.

ՈՒրբաթ 15 Մարտ 2024 10:43 Հակոբ Հակոբյան. Կյանքն ունի իր որոշակի ռիթմը Օգտվելով Հակոբ Հակոբյանի եւ նրա սքանչելի տիկնոջ՝ Մարի Հովելյանի, հրավերներից՝ Այդին Մորիկյանի հետ ոչ հաճախակի այցելում էինք նրանց: Սովորաբար բարձրանում էինք արվեստանոց, տիկին Մարին սուրճի սեղան էր բացում, Հակոբ Հակոբյանը հարմար տեղավորվում էր իր բազկաթոռում ու … զրույցը լինում էր ամեն ինչի մասին: Այդ հանդիպումների ժամանակ ես, որպես կանոն, սկսում էի պտտվել կտավների շուրջը, մտովի վերադասավորում էի ու նոր իմաստ հաղորդում, հետո վերադառնում էի ու սկսում պատմել, որ ես նկարիչ լինեի, այսպես ու այնպես կանեի… Իմ հանդգնությունը չէր պատժվում, մի անգամ Հակոբ Հակոբյանը նույնիսկ առաջարկեց.

Շաբաթ 9 Մարտ 2024 08:58 Հակոբ Հակոբյան. Հայերի հանճարը չի վերջացել Շրջադարձային իրադարձություններով ու հանրահայտ մարդկանցով գերհարուստ իմ կյանքում կան մարդիկ, որ իմ հպարտությունն են ու իմ ցավը: Անանվանելի երջանկություն է եղել նրանց հետ շփումը, նրանց աշխարհներին հաղորդակցվելը: Հակոբ Հակոբյանը մեկն է այդ մարդկանցից, որ դարձել են Հայաստանի Հանրապետության ինքնության ու հավերժության երաշխավորը՝ մարդկանց ու Աստծո առաջ:

ՈՒրբաթ 1 Մարտ 2024 16:37 Խաչատուր Դադայան. Հայերս մեր նորամուծությունն ենք արել՝ չկարգավորվող քաոս Տնտեսական մշակութաբան Խաչատուր Դադայանի հետ ծանոթացրել է «Իրատեսի» խմբագիր Փիրուզա Մելիքսեթյանը: Դադայանը հաճախ տպագրվող հեղինակներից էր ու պետք էր նրա հետ հարցազրույց անել: Այդպես մի քանի թեմատիկ հարցազրույցներ ծնվեցին, որոնց ընթացքում ես, անկախ ամեն ինչից, ինքս ինձ համար ուզում էի հասկանալ՝ ի՞նչ է նշանակում տնտեսական մշակութաբան: Խոստովանեմ՝ մինչև հիմա էլ առանձնապես չեմ հասկացել: Պարզապես հետաքրքիր ու ինքնատիպ բոլոր զրուցակիցներիդ, համենայն դեպս, տնտեսական մշակութաբան չես անվանի: Հարցազրույցը 2014-ի նոյեմբերին էր:

ՈՒրբաթ 23 Փետրվար 2024 15:31 Նիկոլայ Մանուկյան. Սկսում ես մի կտավ, ավարտում ես մի ուրիշը «Իրատեսում» աշխատելիս խմբագրություն հաճախ չէի գնում, տնից էի նյութերն ուղարկում: Իսկ ամեն գնալիս՝ ինչ գործով էլ գնայի, ամենակարևոր «գործը» խմբագրի՝ Փիրուզա Մելիքսեթյանի, աշխատասենյակի կտավներն ուսումնասիրելն էր: Կտավները հաճախ էին փոխվում, «գործ» միշտ կար: Այնպես չէր, որ ամեն ինչ հասկանում էի այդ կտավներում, բայց կար մի տարօրինակ ձգողականություն՝ հիշվում էին: Երբեմն մտածում էի՝ ես ինչպե՞ս կնկարեի, ես ի՞նչ գույներ կընտրեի, ես ու՞ր կտանեի անկապ ու անվերջ թվացող, բայց հմայիչ ու անբեկանելի գծերը, ես, որ կյանքում չեմ նկարել՝ չհաշված ձանձրալի կոնֆերանսների ժամանակ գրիչով խզմզած գլուխներն ու դեմքերը (թերևս ես «զարգացնում է»՚ ծաղրանկարչությունը):

Լրահոս

Հայաստանն ու աշխարհը | Սեպտեմբեր 20, 2024 11:21
Թրամփի հնարավոր երկրորդ ժամկետի հետեւանքները աշխարհի համար

Քաղաքականություն | Սեպտեմբեր 20, 2024 10:17
Ռուբեն Վարդանյանը Բաքվի բանտից արձագանքել է Փաշինյանի հայտարարությանը

Կրթություն | Սեպտեմբեր 19, 2024 17:14
ՄԱԿ-ում մտահոգիչ են համարում Հայաստանում դպրոց հաճախելու ցուցանիշները

Անահիտ Ադամյան - Mediamax.am