Արամ Փախչանյան

Արամ Փախչանյան
«Այբ» հիմնադրամի հոգաբարձուների խորհրդի նախագահ

Երկուշաբթի 24 Նոյեմբեր 2025 09:55 Ուշադրության կողոպուտը Զարգացած եւ զարգացող երկրների մեծամասնությունը արդեն մի քանի տասնամյակ է, ինչ մտել են գերարտադրության դարաշրջան։ Ամեն մարդ կարող է ունենալ համարյա ամեն բան, ինչ սիրտը ուզի եւ քսակը թույլ տա։ Աշխարհի տնտեսությունը պատրաստ է արտադրել համարյա ամեն տեսակի ապրանք այնքան, որքան պահանջվում է, իսկ դաժան մրցակցությունը ճնշում է գները։ Դրա հետ մեկտեղ բոլորից ակնկալվում է արտադրության ծավալների աճ։ Հետեւաբար, եթե չկա պահանջարկ, այն պետք է ստեղծել՝ անհրաժեշտ է, որ մարդիկ ցանկանան գնել նորանոր ապրանքներ։

Երկուշաբթի 10 Նոյեմբեր 2025 10:03 Մենապետության աճը եւ ժողովրդավարության նահանջը աշխարհում Չինաստանը գնալով հաստատվում է որպես գերպետություն, որը կարող է մրցել արեւմտյան քաղաքակրթության հետ՝ աշխարհում առավել ազդեցիկ պետություն դառնալու համար։ Մեր անսասան հավատը, հիմնավորված նաեւ ԽՍՀՄ փլուզմամբ, որ արեւմտյան տեսակի ժողովրդավարությունը միշտ ապահովում է ավելի բարձր կյանքի մակարդակ, կայունություն, արագ զարգացում եւ ավելի արդյունավետ կառավարում, գնալով սասանվում է։

ՈՒրբաթ 9 Սեպտեմբեր 2022 13:44 Ծայրահեղ ազատականության արհավիրքը Համոզմունքներով ես մեղմ պահպանողական եմ։ Ես հարգում եմ լիբերալ (ազատական) մտածողություն ունեցող մարդկանց, երբ նրանց մեջ տեսնում եմ լայնախոհություն եւ իրենց քայլերի համար լիակատար պատասխանատվության գիտակցում։ Սակայն ե՛ւ Հայաստանում, ե՛ւ աշխարհում, թափ է առել բոլշեւիզմի նոր տեսակ՝ ծայրահեղ ազատականություն, որը մերժում է կամ վերանայում է բոլոր հիմնարար արժեքները՝ ընտանիք, սեռ, ազգ, պետություն, դրանց փոխարեն ներկրելով ձեւական եւ անբովանդակ կեղծակերպումներ: Ճիշտ այնպես, ինչպես ժամանակին գործում էին բոլշևիկները։

Հինգշաբթի 3 Փետրվար 2022 10:49 Ինչո՞ւ է բարերարությունը մեծ հաջողություն բերում Այս սյունակը ես գրել եմ՝ ելնելով իմ փորձից եւ դիտարկումներից։ Այն սուբյեկտիվ է, ինչպես ցանկացած սյունակ, սակայն արտացոլում է մի միտում, որն առկա է ամբողջ աշխարհում։

Շաբաթ 12 Հունիս 2021 22:10 Ընտրություններին չգնալով՝ նոր քայլ կանեք դեպի անդունդը Քանիցս հանդիպել եմ մարդկանց, ովքեր ասում են՝ «չեմ գնա ընտրություններին, քանի որ չեմ վստահում կուսակցություններից եւ ոչ մեկին»։

Երեքշաբթի 13 Ապրիլ 2021 17:36 Երեխայի կրթության պատասխանատուն ծնողն է Ես այս միտքը հաճախ եմ կրկնում տարբեր ելույթներում եւ հաճախ լսում եմ նույն հակափաստարկը՝ որ Սահմանադրությամբ պետությունն է պարտավոր է ապահովել երեխաների կրթությունը։

ՈՒրբաթ 12 Փետրվար 2021 12:10 Ինչպես են ոչնչացնում ազգերը 21-րդ դարում ցեղասպանության տեխնոլոգիաները նախկիններին նման չեն։ Այն բարբարոսական մեթոդները, որոնք կիրառվեցին մեր նկատմամբ 20-րդ դարի սկզբում, կորցրել են իրենց արդիականությունը։ Ավելի ճիշտ՝ դրանք մղվել են երկրորդ պլան, քանի որ փորձը ցույց տվեց, որ ազգի Ֆիզիկական բնաջնջումը այնքան էլ արդյունավետ չէ։ Կա այլ տրամաբանություն՝ եթե զրկում ես մարդկանց իրենց միավորող հատկանիշներից, նրանք դադարում են միավորվել։ Պառակտված մարդիկ, որոնց լավագույն դեպքում միավորում է իրավիճակային շահը, հեշտությամբ կառավարելի են եւ լավ ռեսուրս են ցանկացած գործողությունների համար։ Ազգը մարդկանց միավորում է, եւ եթե մարդիկ կորցնեն իրենց միավորող հենքը, ազգը ինքն իրեն կվերանա։ Ուրեմն ազգի ոչնչացման նախագիծը պետք է գնա մի քանի մակարդակով։

Շաբաթ 12 Դեկտեմբեր 2020 13:33 Պոպուլիզմը եւ ժողովրդավարության ճգնաժամը Մի բան դուր է գալիս մարդկանց՝ կայացնել որոշումներ առանց անմիջական պատասխանատվություն կրելու եւ առանց անհրաժեշտ գիտելիքներ եւ տեղեկություն ունենալու։

Երկուշաբթի 11 Մայիս 2020 13:41 Ընտանիքի գլխավոր բարեկամներն ու թշնամիները Քայքայվող ընտանիքների տոկոսը տարեցտարի աճում է, նորաստեղծ ընտանիքների քանակը՝ նվազում։ Մարդիկ ֆեյսբուքում ուրախ կիսվում են այն լուրով, որ համավարակի արդյունքում կտրուկ աճել են ամուսնալուծությունների քանակը Չինաստանում։ Ընտանիքը որոշ ճգնաժամի մեջ է։ Վերլուծաբանները մի քանի պատճառ են բերում՝ մարդկանց ակտիվ կյանքը երկարել է, եւ շատերը չեն պատկերացնում, այն էլ երիտասարդ տարիքում, որ պատրաստ են մեկ այլ մարդու հետ այդ ամբողջ ընթացքում համատեղ ապրել։ Դեր են խաղացել նաեւ ինքնակայացման հնարավորությունների զանազանությունը, հանրության կողմից առանց ընտանիք կազմելու համատեղ ապրուստը որպես նորմ ընկալելը եւ այլն։

Երկուշաբթի 30 Մարտ 2020 08:48 Շարունակենք պտտել տնտեսության անիվը Երբ ամեն բան ընթանում է սովորական հունով, մենք չենք գիտակցում, որ համարյա ամեն մեր որոշմամբ օգնում ենք պտտել երկրի տնտեսական անիվը։ Որոշեցինք պաղպաղակ ուտել՝ մի փոքր պտտեցինք, որոշեցինք զանգել ընկերոջը՝ դարձյալ պտտեցինք։ Անգամ երբ որոշում ենք գնալ զբոսնելու, դարձյալ պտտում ենք այդ անիվը, քանի որ մաշեցնում ենք մեր կոշիկները, մոտեցնելով նոր կոշիկների գնման օրը, բացում ենք ախորժակը, եւ, միգուցե, սովորականից մի փոքր ավելին կուտենք դրանից հետո, դրական տրամադրություն ենք ստանում, եւ, ուրեմն, միգուցե ավելի լավ կկատարենք հաջորդ օրվա մեր աշխատանքը։

Հինգշաբթի 19 Մարտ 2020 08:36 Առցանց ուսուցում՝ երբ պարտադրանքը վերածվում է բացահայտման Իրավիճակի թելադրմամբ «Այբ» դպրոցը անցավ առցանց հեռավար ուսուցման։ Այն ուսուցիչները, որոնք հիշում են 2011 թվականի դպրոցի մեկնարկի առաջին օրերը, այսօր զուգահեռներ են տանում։ Այն ժամանակ էլ կար անսպառ ոգեւորություն, խանդավառություն եւ մեծ անորոշություն։ Դրա հետ մեկտեղ կար դպրոցը կայացնելու վճռականություն՝ կիրառելով նորովի մոտեցումներ, սովորելով ընթացս եւ հաղթահարելով առաջացող խնդիրները։ Այն ժամանակ ստացվեց, եւ մենք համոզված ենք, որ այս անգամ եւս կստացվի։ Հասկանալի է, որ իրավիճակը վաղ թե ուշ կկարգավորվի, սակայն «Այբ» դպրոցը այլեւս նախկինի նման չի լինելու։ Փոխվելու է ոչ միայն «Այբ»-ը, փոխվելու է ամբողջ աշխարհը, եւ դրա հետ՝ կրթությունը։

Շաբաթ 29 Փետրվար 2020 11:57 Ոչինչ մի ակնկալեք ու կլինեք իրապես սիրված եւ երջանիկ Քրիստոսը, խրատելով չհոգալ վաղվա մասին, չի ենթադրում, որ մենք պետք է բացարձակապես անտեսենք ապագան։ Իր ասածն այն է, որ պետք չէ ապրել վաղվա օրով։ Պետք չէ ապրել ակնկալիքներով։

Հինգշաբթի 13 Փետրվար 2020 17:32 Ինչպես ազատվել գոտկատեղի ցավերից Ինձ հաճախ թվում է, որ բժիշկները մարդկությունից ամենահիասթափված մարդիկ են։ Իրենք հաճախ հույս չունեն, որ մարդիկ ինչ-որ բան կփոխեն իրենց կյանքում՝ սեփական առողջությունը կարգի բերելու համար եւ փորձում են դեղամիջոցներով վերացնել մեր թուլությունների արդյունք հանդիսացող անիմաստ տառապանքները։ Եթե դուք մարդկային այդ հիասթափեցնող տեսակը չեք, կարդացեք այս սյունակը։

Շաբաթ 1 Փետրվար 2020 13:33 Արագ ընթերցանության գաղտնիքները Քաջ գիտակցում եմ, որ ձեզանից շատերը, տեսնելով այս 2,5 էջանոց սյունակս, կորոշեն, որ այն հետո կկարդան, բայց այլեւս երբեք չեն վերադառնա։

Երկուշաբթի 16 Դեկտեմբեր 2019 09:21 Մոլորված մտքի ծուղակները Շատերդ, երեւի, հիշում եք «Միմինո» ֆիլմի այն դրվագը, երբ Ռուբիկը կորցնում է իր բեռնատարը, իսկ Վալիկոն գտնում է այն հարակից բակում: Մեզ համար այն զավեշտալի է, սակայն եթե մի փոքր ավելի խորը նայենք, նման սխալներ մենք գիտակցաբար կամ անգիտակցաբար կատարում ենք բազմաթիվ անգամներ, գրեթե ամեն օր:

Երկուշաբթի 2 Սեպտեմբեր 2019 08:55 Դպրոցը՝ «էլիտիզմի» եւ գորշության խաչմերուկում Սկսվում է նոր ուսումնական տարին։ Աշակերտների ճնշող մեծամասնության համար այն ոչնչով չի տարբերվի նախորդից։ Համարյա ամեն բան մնալու է նույնը՝ բացառությամբ դասագրքերի, որոնք այս տարվանից կիսվել են երկու մասի։

ՈՒրբաթ 19 Հուլիս 2019 18:20 ABBYY-ի 30 տարին, կամ ինչպես սպրինտերը սկսեց մարաթոն վազել Այս տարի ABBYY ընկերությունը 30 տարեկան դարձավ: Այն ստեղծվել էր դեռ այն ժամանակ, երբ մեր երկիրը կոչվում էր ԽՍՀՄ, ու թեեւ Scorpions խումբն արդեն եկել էր Մոսկվա եւ ստացել էր հետագայում Wind of Change (Փոփոխությունների քամին) երգում արտահայտված տպավորությունները, այնուամենայնիվ, կոմունիզմը դեռ հիմնական գաղափարախոսությունն էր, իսկ տնտեսությունը կառավարվում էր (կամ այլեւս չէր կառավարվում) ամենազոր Պետպլանի կողմից:

Երեքշաբթի 25 Հունիս 2019 09:01 Ժամանակն է հեղափոխել ավագ դպրոցը Երբ գալիս է ուսումնական տարվա վերջը, ցանկություն է առաջանում հայացքը կտրել առօրյա եռուզեռից եւ մտածել ավելի հիմնարար հարցերի շուրջ։ Կրթական համակարգը խորը փոփոխությունների կարիք ունի։ Փորձենք մտորել, թե ինչ ուղղությամբ պետք է ընթանան դրանք։

Երկուշաբթի 8 Ապրիլ 2019 13:53 Չտանենք հանրակրթությունը դեպի անհավասարության անդունդ Հայաստանում մի հետաքրքիր առանձնահատկություն կա. երբ մեկը ապրուստի նոր միջոց է գտնում, բոլորը փորձում են նույն բանն անել: Արդյունքում այնպիսի մրցակցություն է առաջանում, որ շատ արագ բոլորը ձախողվում են։ Սակայն դաս չեն քաղում, եւ նույնը կրկնվում է։

Չորեքշաբթի 27 Մարտ 2019 08:53 Շվեդական կրթական մոդելի լավ ու վատ կողմերը Ժամանակին անդրադարձել եմ մի քանի երկրների կրթական համակարգերին։ Որոշեցի շարունակել այդ շարքը, քանի որ համեմատություններից շատ բան ես գիտակցում։ Չկա երկու երկիր, որ ունենան ամբողջապես նման կրթական համակարգեր։ Անգամ երկու իրար շատ մոտ ազգերի՝ էստոնացիների եւ ֆինների կրթական համակարգերը ավելի շատ տարբերություններ ունեն, քան նմանություններ։

Լրահոս

Աշխարհում | Հունվար 26, 2026 16:15
Ադրբեջանն ու Իսրայելը ռազմավարական գործընկերությունը նոր մակարդակի կհանեն

Հայաստանն ու աշխարհը | Հունվար 26, 2026 16:02
Հայ կանայք Ռոջավայում կռվում են ջիհադիստների դեմ

Տարածաշրջան | Հունվար 26, 2026 14:00
Բայրամովը իսրայելցի գործընկերոջը տեղեկացրել է խաղաղ գործընթացի մասին

Արամ Փախչանյան - Mediamax.am