Երեւան: Մեդիամաքս: Ռուսաստանում գտնվող ՀՀ ԱԳ նախարար Արա Այվազյանը փետրվարի 17-ին ՌԴ ԱԳ նախարար Սերգեյ Լավրովի հետ հանդիպմանը շեշտել է Ադրբեջանում հայ ռազմագերիների եւ պատանդի կարգավիճակում պահվող անձանց հայրենադարձման կարեւորությունը:
Արա Այվազյանը նշել է, որ խնդրի արհեստական ձգձգումն Ադրբեջանի կողմից լուրջ խոչընդոտներ է ստեղծում նոյեմբերի 9-ի եւ դրանից բխող հունվարի 11-ի եռակողմ հայտարարությունների կենսագործման ճանապարհին։
Հայաստանի եւ Ռուսաստանի արտաքին գործերի նախարարների հանդիպման օրակարգում են եղել նաեւ ԼՂ խաղաղ կարգավորման գործընթացի վերսկսմանն առնչվող հարցեր: Երկուստեք ընդգծվել է կարգավորման առանցքային հարցերի հասցեագրումը ԵԱՀԿ Մինսկի խմբի համանախագահության շրջանակներում։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: