Երեւան: Մեդիամաքս: ՀՀ պաշտպանության նախարարության ներկայացուցիչ Արծրուն Հովհաննիսյանն ասել է, որ այսօր կեսօրից հետո մարտերը Արցախում նորից թեժացել են, հատկապես՝ հարավային ուղղությամբ:
Ադրբեջանը Արաքս գետի երկայնքով լայնածավալ հարձակման փորձեր է արել:
Հակառակորդը կիրառել է հրետանային միջոցներ, զրահատեխնիկա, հետեւակ, շարժական խմբեր, որոնք չեն գործում Ադրբեջանի Զինված ուժերի ենթակայության ներքո:
«Ադրբեջանական զինուժը տվել է 300 զոհ, կորցրել է 11 զրահատեխնիկա, 2 ուղղաթիռ, 2 ԱԹՍ»,- ասել է Արծրուն Հովհաննիսյանը:
Նա ասել է, որ հայկական զինված ուժերը միայն պաշտպանական մարտեր չեն վարում, «հաճախ իրականացնում են այլ տիպի զորաշարժեր, որոնց բնույթը, հաջողությունները շատ հաճախ արձանագրում ենք միայն ավարտից հետո»:
«Այդպիսի օր չկա, որ մեր զինված ուժերը ադրբեջանական ռազմական որեւէ օբյեկտ շարքից չհանեն, դրանք ոչ միշտ են ենթակա լուսաբանման: Պատերազմն ընթանում է, լայնածավալ է, լինում են տարբեր ծավալի մարտեր, խուսանավումներ, հաջողություններ կամ անհաջողություններ»,- ասել է նա՝ ընդգծելով, որ հայկական զորքերն անընդհատ հերոսության օրինակներ են ցուցադրում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: