Երեւան: Մեդիամաքս: ՀՀ Անվտանգության խորհրդի քարտուղար Արմեն Գրիգորյանն այսօր ասել է, որ ««Զվարթնոց» օդանավակայանից ռուս սահմանապահների դուրս գալու մասին Հայաստանը հստակ դիրքորոշում ունի»:
«Այդ մասին տեղյակ ենք պահել Ռուսաստանին. դիմել ենք պաշտոնական նամակով: Հայաստանի սահմանապահ զորքերը պետք է ամբողջությամբ իրականացնեն ծառայությունը։ Հայաստանն անկախության շրջանում տարբեր ուղղություններով կարողություններ է ձեռքբերում, եւ այս պահին ամբողջական կարողություն ունի այդ ծառայությունն իրականացնել»,- լրագրողների հետ զրույցում ասել է Արմեն Գրիգորյանը:
Նա նշել է, որ ներկայում Հայաստանն իրականացնում է դիվերսիֆիկացիայի քաղաքականություն.
«Ռազմական տեխնիկայի ձեռքբերումը Ռուսաստանի հետ 96 %-ից իջել է 10%-ից էլ ցածր մակարդակի: Սա նշանակում է, որ Հայաստանը իրականացնում է դիվերսիֆիկացիայի քաղաքականություն եւ գործընկերներ է ձեռքբերում ոչ միայն Արեւմուտքում, այլեւ՝ Ասիայում եւ տարբեր ուղղություններում:
Մեծ փոփոխություններ են տեղի ունենում. Հայաստանն իրականացնում է եւ տնտեսության, եւ անվտանգության, եւ քաղաքականության դիվերսիֆիկացիա»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: