Երեւան։ Մեդիամաքս։ Կարմիր խաչի միջազգային կոմիտեի (ԿԽՄԿ) կենտրոնակայանն այսօր հայտնել է, որ հարյուրավոր մարդիկ, ովքեր այրվածքներ են ստացել Լեռնային Ղարաբաղում բենզինի պահեստում պայթյունի հետեւանքով, հրատապ մասնագիտացված բժշկական օգնության կարիք ունեն:
ԿԽՄԿ Եվրասիայի տարածաշրջանային տնօրեն Արիանա Բաուերն ասել է.
«Սա բացարձակ ողբերգություն է հարյուրավոր մարդկանց համար, ովքեր տառապում են սարսափելի, ցավոտ այրվածքներից: Ճգնաժամը բարդանում է նրանով, որ հիվանդանոցներն արդեն իսկ գործում էին իրենց հնարավորությունների անդին, իսկ խիտ երթեւեկությունը դժվարացնում է շտապօգնության մեքենաների աշխատանքը եւ անհրաժեշտ դեղամիջոցների մատակարարումը»:
Զեկույցում ասվում է, որ ԿԽՄԿ-ն աշխատում է «տարածաշրջանում որոշում կայացնողների հետ՝ գտնելու ուղիներ՝ ավելացնելու տարհանվողների թիվը»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: