Երեւան: Մեդիամաքս: Մայիսի 16-ին եւ լույս 17-ի գիշերը շփման գծում հակառակորդը հրադադարի պահպանման ռեժիմը խախտել է մոտ 60 անգամ:

Տարբեր տրամաչափի հրաձգային զինատեսակներից հայ դիրքապահների ուղղությամբ արձակվել է ավելի քան 900 կրակոց:

Արեւելյան ուղղությամբ Ադրբեջանը կիրառել է 82 (4 արկ) եւ 120 միլիմետրանոց ականանետեր (17 արկ), իսկ հյուսիսարեւելյան հատվածում՝ 60 (4 արկ) եւ 82 միլիմետրանոց ականանետեր (15 արկ) ու հաստոցավոր հակատանկային նռնականետ (5 արկ):

ՊԲ առաջապահ զորամասերը հակառակորդի նախահարձակ ակտիվությունը ճնշելու համար դիմել են պատասխան գործողությունների:

Այս պահի դրությամբ օպերատիվ իրադրությունն առաջնագծում համեմատաբար հանգիստ է: