Երեւան: Մեդիամաքս: Հայաստանի քաղաքացիները փետրվարի 1-ից հնարավորություն կունենան օդային ճանապարհով մեկնել դեպի Ռուսաստան՝ կորոնավիրուսի բացասական թեստի հիման վրա:
Վարչապետ Նիկոլ Փաշինյանն այսօր կառավարության նիստի ժամանակ ասել է, որ գործարկվում է «Ճամփորդիր առանց Covid» պիլոտային ծրագիրը, որի վերաբերյալ որոշում են կայացրել ՀՀ եւ ՌԴ կառավարությունները:
«Մեկնարկող պիլոտային ծրագիրը կգործի մինչեւ մարտի 1-ը, բայց գործնականում կարծում եմ, որ այն կաշխատի, քանի որ նախափորձարկումը հաջող է անցել:
Ծրագրի համաձայն՝ քաղաքացին իր բջջային հեռախոսի մեջ կարող է ներբեռնել «Ճամփորդում եմ առանց Covid» հավելվածը, որից հետո թեստավորվել այնտեղ նշված լաբորատորիաներից մեկում՝ թռիչքից ամենաուշը 72 ժամ առաջ:
Թեստի բացասական պատասխանի դեպքում այն ինքնաշխատ եղանակով արտահայտվում է հավելվածում, այնուհետեւ մեկնելիս այդ փաստը QR կոդով հաստատվում է Հայաստանի եւ Ռուսաստանի օդանավակայաններում»,- ասել է վարչապետը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: