Երեւան: Մեդիամաքս: «Ավրորա» մարդասիրական նախաձեռնությունը եւ «Էյ Թի Փի» բարեգործական հիմնադրամը (Armenia Tree Project) հայտարարում են, որ հոկտեմբերի 20-ին առաջին «Ավրորա» ֆորումի շրջանակում Ծիծեռնակաբերդում ծառեր կտնկվեն:
Նոր ծառուղին կանվանակոչվի Ավրորա Մարդիգանյանի պատվին:
Միջոցառումն անցկացվում է առաջին «Ավրորա» ֆորումի շրջանակում, որը գլոբալ քաղաքացիների համար փոփոխությունների նոր ու նշանակալի հարթակ կդառնա:
Այստեղ իրենց դերակատարումը կունենան քաղաքական, գիտական, գործարար եւ արվեստի ոլորտների համաշխարհային առաջատար դեմքերը՝ հանդես գալով ներկա եւ ապագա սերունդների համար ամենահրատապ համաշխարհային խնդիրները հաղթահարելու միասնական հանձնառությամբ: Իր տեսակով տարածաշրջանում առաջին այս ֆորումի համահիմնադիրներն են Վարդան Գրեգորյանը, Նուբար Աֆեյանը եւ Ռուբեն Վարդանյանը:
«Ավրորա» մարդասիրական մրցանակի շնորհման արարողությունը 2019թ. հոկտեմբերի 19-ին է՝ հանրության համար բաց միջոցառման ընթացքում:
Հոկտեմբերի 20-ին կկայանա յուրահատուկ բարեգործական համերգ-նվիրում՝ աշխարհահռչակ դիրիժոր Վալերի Գերգիեւի եւ Մարիինյան թատրոնի սիմֆոնիկ նվագախմբի մասնակցությամբ:
Բարեգործական համերգի մուտքը միայն հրավիրատոմս-նվիրատվությամբ է:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: