Երեւան: Մեդիամաքս: Ռուսաստանի նախագահ Վլադիմիր Պուտինն այսօր Հայաստանի վարչապետ Նիկոլ Փաշինյանի եւ Ադրբեջանի նախագահ Իլհամ Ալիեւի հետ հերթական հեռախոսազրույցի ընթացքում քննարկել է եռակողմ հայտարարության մեջ ամրագրված համաձայնության կատարման գործնական կողմը:
Պուտինը գոհունակություն է հայտնել, որ պայմանավորվածությունները կատարվում են, իսկ իրավիճակը վերահսկվում է:
Կրեմլի մամուլի ծառայությունը հաղորդում է, որ Իլհամ Ալիեւի հետ զրույցում Վլադիմիր Պուտինը ուշադրություն է հրավիրել այն փաստի վրա, որ քրիստոնեական եկեղեցիներն ու վանքերը գտնվում են այն շրջաններում, որոնք վերադարձվում են Ադրբեջանին: Այս առումով նա շեշտել է այդ սրբավայրերի պահպանման եւ եկեղեցական բնականոն կյանքի ապահովման կարեւորությունը:
Ալիեւը ասել է, որ ադրբեջանական կողմը գործելու է հենց այդ սկզբունքով:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: