Երեւան: Մեդիամաքս: ՀՀ վարչապետ Նիկոլ Փաշինյանն այսօր Սոչիում ասել է, որ Հայաստանը պատրաստ է ցանկացած պահի ապաշրջափակել Ադրբեջանի հետ տարածաշրջանային հաղորդակցությունները:
«Հայաստանի տարածքով անցնող հաղորդակցությունները պետք է լինեն պաշտոնական Հայաստանի ենթակայության տակ»,- ՌԴ նախագահ Վլադիմիր Պուտինի հետ հանդիպմանն ասել է Նիկոլ Փաշինյանը:
Նա նշել է, որ ԼՂ հարցում Երեւանի համար ընդունելի են հայ-ադրբեջանական միջպետական հարաբերությունների հաստատման ռուսական նախագծով առաջարկված մոտեցումները։
«Հայաստանի համար կարեւոր է նաեւ Ռուսաստանի հստակ դիրքորոշումը Հայաստանի ինքնիշխան տարածքից ադրբեջանական զորքերի դուրսբերման հարցում»,- ասել է Նիկոլ Փաշինյանը:
ՌԴ նախագահ Վլադիմիր Պուտինն էլ իր հերթին նշել է, որ «Բաքվի եւ Երեւանի միջեւ հակամարտությունը երկար տարիներ շարունակվում է եւ ինչ-որ ժամանակ պետք է վերջ տալ»:
«Ես գիտեմ, որ դուք դրա համար քաղաքական կամք ունեք: Մենք ամեն կերպ աջակցում ենք դրան»,- ասել է ՌԴ նախագահը:
«Անհրաժեշտ է համաձայնության գալ այս բոլոր հարցերի շուրջ։ Մենք միշտ ելնում ենք նրանից, որ Հայաստանը մեր ռազմավարական գործընկերն է ու դաշնակիցը»,- ասել է ՌԴ նախագահը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: