Երեւան: Մեդիամաքս: ՀՀ ԱԳ փոխնախարար Պարույր Հովհաննիսյանն ասել է, որ այսօր Եվրոպական միությունից Հայաստան տեխնիկական խումբ կժամանի:
«Նրանք գալու են քննարկելու եւ վերլուծելու հայ-ադրբեջանական սահմանին առաքելության տեղակայման վայրերի հարցերը եւ չափանիշները, համաձայն որոնց էլ պետք է տեղակայվի ԵՄ փաստահավաք առաքելությունը»,- ասել է ԱԳ փոխնախարարը:
Լրագրողների հետ զրույցում նա նշել է, որ հայկական կողմը բաց է բոլոր այն առաջարկների համար, որոնք «կամրապնդեն մեր անվտանգությունը, որպեսզի խուսափենք այն իրավիճակից, որն ունեցանք սեպտեմբերին»:
«Արեւմուտքից կան ջանքեր, որպեսզի աջակցեն երկու կողմերին գալ ընդհանուր հաշտարարի»,- ասել է Պարույր Հովհաննիսյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: