Երեւան: Մեդիամաքս: ՀՀ պաշտպանության նախարար Դավիթ Տոնոյանն այսօր խորհրդարանում ասել է, որ վերջին շրջանում հայ-ադրբեջանական սահմանին Ադրբեջանն օգտագործում է տարբեր տրամաչափի զենքեր։
«Մենք ցուցաբերել ենք տեղեկատվական զսպվածություն։ Դեպքերի վերաբերյալ տեղեկությունը տրամադրվել է ԵԱՀԿ Մինսկի խմբի համանախագահներին։ Մի քանի անգամ զգուշացրել ենք, որ ռիսկերի նվազեցման մեխանիզմներ առկա չեն։ Այսօր, ցավոք, ունեցանք զոհ։
Ադրբեջանի ՊՆ-ն մտահոգություն է հայտնել։ Նրանց մտահոգությունը մեզ համար կանխատեսելի էր, քանի որ համապատասխան գործողություններ ենք իրականացրել»,- ասել է Դավիթ Տոնոյանը։
Պաշտպանության նախարարը նշել է, որ հուլիսյան գործողությունների դադարից հետո հրադադարի խախտումները գրեթե կրկնակի ավելացել են։
Դավիթ Տոնոյանը հույս է հայտնել, որ ՀՀ զինված ուժերի գործողությունների արդյունքում դադարը կպահպանվի ու կնպաստի բանակցային գործընթացին։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: