Ապրիլի 24-ին Երեւանում կայացավ «Ավրորա» միջազգային մարդասիրական մրցանակի անդրանիկ մրցանակաբաշխությունը, որը կարեւոր իրադարձություն էր ոչ միայն Հայաստանի, այլեւ ողջ հայության համար:

Մեդիամաքսը, համագործակցելով «Ավրորա»/«100 կյանք» նախաձեռնությունների հետ, ներկայացնում է ֆոտորեպորտաժներ, որոնք պատմում են մրցանակաբաշխության եւ դրան նախորդած այն դրվագների մասին, որոնք «կադրից դուրս» էին մնացել:

Ծանոթացեք առաջին եւ երկրորդ ֆոտորեպորտաժներին:

Ապրիլի 24-ին կայացած «Ավրորա» մրցանակաբաշխությանը նախորդել էր ամիսների քրտնաջան աշխատանքը: Արարողության բեմադրիչ Գրիգորի Ռեւզինը եւ «100 կյանք» նախաձեռնության օպերացիոն տնօրեն Ելենա Ավետիսյանը կատարում են վերջին շտկումները վերջին փորձի ժամանակ:

Ելենան Ավետիսյանը եւ Ջորջ Քլունին բարձր տրամադրություն ունեն:

Ջորջ Քլունին քննարկում է արարողության սցենարը Not on Our Watch հիմնադրամի գործադիր տնօրեն Ջոն Պրենդերգաստի եւ «Ավրորա»/«100 կյանք» նախաձեռնությունների համահիմնադիր Վարդան Գրեգորյանի հետ:

Քլունին շարունակում է քննարկումը բեմում՝ Ռուբեն Վարդանյանի եւ արարողության վարողների՝ օպերային դիվա Հասմիկ Պապյանի եւ գրող եւ հրապարակախոս, The Washington Post-ի մշտական հեղինակ Դէվիդ Իգնաշիուսի հետ:

Հասմիկ Պապյանն ու Դէվիդ Իգնաշիուսը միմյանց հասկանում էին կես բառից:

Հավանաբար, Ջորջ Քլունին կոմպլեմենտ է անում Հասմիկ Պապյանին:

Տեր Մեսրոպ քահանա Արամյանը հետեւում է Ռուբեն Վարդանյանի եւ Նուբար Աֆեյանի զրույցին:

Լարված քննարկումներից հետո կարելի է մի փոքր լիցքաթափվել:

Եվ գնալով ավելի «հավեսի ընկնել»:

«Ի՞նչ ես կարծում, միգուցե այս տողն էլ փոխենք: Բեմադրիչը մեզ կսպանի, բայց արի փորձենք»:

Իսկ ահա Հայաստանի երիտասարդական նվագախմբի գեղարվեստական ղեկավար Սերգեյ Սմբատյանը լիցքաթափվելու ժամանակ չունի:

Պարողները՝ Ռուդոլֆ Խառատյանի գլխավորությամբ, գտնում են հարմար առիթը ու լուսանկարվում են Ջորջ Քլունիի եւ Նուբար Աֆեյանի հետ:

Երբ արարողությունը հաջողությամբ ավարտվել է, կարելի է կրկին լիցքաթափվել:

Ինչպես նաեւ լուսանկարվել «Ավրորա» մրցանակաբաշխության գործընկեր՝ ՎիվաՍել-ՄՏՍ-ի գլխավոր տնօրեն Ռալֆ Յիրիկյանի եւ նրա տիկնոջ հետ:

Ռուբեն Վարդանյանը եւ երգահան ու բանաստեղծ Մարինե Ալեսը արարողության ավարտից հետո: Կռահո՞ւմ եք, թե ով է փորձում «փչացնել» նրանց լուսանկարը:

Ծանոթացեք առաջին եւ երկրորդ ֆոտորեպորտաժներին:

Լուսանկարները` «Ավրորա»/«100 կյանք»