Երեւան: Մեդիամաքս: Հայկական ճարտարապետությունն ուսումնասիրող հիմնադրամն այսօր ներկայացրել է «Հալեպի արձանագրությունները» գիրքը:
Ինչպես հաղորդում է Մեդիամաքս-ը, հիմնադրամի անդամ, գրքի գաղափարի հեղինակ Րաֆֆի Քորթոշյանն ասել է, որ գրքի մեջ ներկայացված են Հալեպի հայկական գերեզմանատան տապանաքարերի լուսանկարները եւ դրանց արված արձանագրությունները: Բացի այդ, գրքում ներկայացված է նաեւ տեղի հայկական եկեղեցիների պատմությունը, չափագրումները, հայկական բնակչության մասին տեղեկություններ:
Հայկական ճարտարապետությունն ուսումնասիրող հիմնադրամի նախագահ Սամվել Կարապետյանը հավելել է, որ Հալեպի հայկական գերեզմանատան տապանաքարերի գրառումները վկայում են այն մասին, որ տեղի հայ բնակչությունը ժամանակին գաղթել է Արեւմտյան Հայաստանից՝ փրկվելով հալածանքներից :
«Այդ տապանաքարերը կարող են ծառայել որպես Արեւմտյան Հայաստանի տեղանունների բառարան եւ դրանք ուղղակի Հայոց Ցեղասպանության վկայություններն են», - ասել է Սամվել Կարապետյանը:
«Հալեպի արձանագրությունները» գիրքը լույս է տեսել 700 օրինակով, այն կարելի է ձեռք բերել Երեւանի գրախանութներում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: