Երեւան: Մեդիամաքս: Հունգարիայի արտաքին գործերի նախարարության մամուլի բաժինն այսօր հրաժարվել է բանավոր մեկնաբանություն տալ Մեդիամաքս-ին Ռամիլ Սաֆարովի էքատրադիցիայի վերաբերյալ:
Մեդիամաքս-ի թղթակցի հետ հեռախոսային զրույցում, Հունգարիայի ԱԳ նախարարության մամուլի բաժնի աշխատակիցը խնդրել է գրավոր դիմում ուղարկել` ասելով, որ չի կարող բանավոր մեկնաբանություն անել:
Մեդիամաքս-ը նաեւ փորձել է կապվել Հունգարիայի պետական կառավարման եւ արդարադատության նախարարություն հետ, սակայն վերջինիս խոսնակը հեռախոսազանգերին չի պատասխանել:
Մեդիամաքս-ը գրավոր հարցում է ուղարկել Հունգարիայի ԱԳ եւ Պետական կառավարման եւ արդարադատության նախարարություններ ու փորձելու է պատասխան ստանալ:
Երեւան: Մեդիամաքս: Հայ սպա Գուրգեն Մարգարյանի սպանության համար Հունգարիայում ցմահ ազատազրկման դատապարտված Ռամիլ Սաֆարովը վերադարձել է Ադրբեջան, որտեղ նրան ներում է շնորհվել նախագահ Իլհամ Ալիեւի կողմից:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: