Երեւան: Մեդիամաքս: Ձեռներեց եւ սոցիալական ներդրող Ռուբեն Վարդանյանը կարծում է, որ «Ֆեյսբուքում ընկերների հսկայական քանակից մենք վերադառնալու ենք այն մարդկանց շրջանակ, ում հետ կարող ենք պայմանավորվել առանց խիստ իրավական փաստաթղթերի»:
BFM.ru-ի հետ հարցազրույցում խոսելով Հայաստանում իր գործունեության մասին, Ռոբեն Վարդանյանն ասել է.
«Մենք փորձում ենք կառուցել ցանցային համակարգ, երբ հսկայական սփյուռքը եւ աշխարհով մեկ սփռված մեծ թվով մարդիկ իրենց կապում են մի կետի հետ, որում նրանցից շատերն անգամ չեն էլ ծնվել: Սա հետաքրքիր օրինակ է. մենք գնում ենք դեպի մի աշխարհ, որտեղ մարդկային հարաբերությունները, այդ ցանցային համակարգը, դառնում են հաջողակ լինելու շատ կարեւոր տարր»:
«Մի խոհեմ մարդ ինձ ասել է. շուտով մենք կգանք այնպիսի աշխարհ, որտեղ «ազնիվ խոսքը» նորից շատ կարեւոր դեր է խաղալու: Համատարած տեխնոլոգիզացիայի պայմաններում այդ հարաբերությունները, երբ դու «ազնիվ խոսք» ես տվել, շատ կարեւոր են լինելու, քանզի միայն այդպես հնարավոր կլինի վստահություն կառուցել», - նշել է Ռուբեն Վարդանյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: