Երեւան: Մեդիամաքս: 2011թ. Հայաստանում գրանցվել է ինքնասպանության 647 փորձ, որից 195 ավարտվել է մահով:

Ազգային վիճակագրական ծառայության (ԱՎԾ) մարդահամարի եւ վիճակագրության բաժնի պետ Կարինե Կույումջյանն այսօր ասել է, նախորդ տարի գրանցված ինքնասպանության փորձերի քանակն աճել է 9.3%-ով:

Փորձերի 60%-ն իրականացվել է կախվելու միջոցով, 20%-ը`բարձրությունից նետվելու, իսկ մնացած մասը` այլ եղանակներով:

Ինքնասպանությամբ ավարտված դեպքեր արձանագրվել են 30-65 տարեկան տարիքային խմբում, առավելապես` արական սեռի ներկայացուցիչների շրջանում: