Երեւան: Մեդիամաքս: Հնդկաստանի Հայդերաբադ քաղաքում ընթացող ՏՏ համաշխարհային համաժողովում (WCIT) Թումո կենտրոնը ստացել է Համաժողովի նախագահ Իվոն Չյուի մրցանակը՝ «Թվային դարի խորհուրդը իրագործելու համար»։
«Թումոն հպարտ է Հայաստանի ՏՏ եւ կրթական ոլորտը նման առաջադեմ միջազգային հարթակներում ներկայացնելու, առաջատար ընկերությունների եւ մասնագետների ուշադրությունը մեր երկրին եւ դրա երիտասարդ ներուժին դարձնելու համար», - ասված է կենտրոնի հաղորդագրության մեջ:
WCIT համաժողովը անց է կացվում է 1978 թվականից՝ Տեղեկատվական տեխնոլոգիաների եւ ծառայությունների համաշխարհային ալյանսի (World Information Technology and Services Alliance, WITSA) նախաձեռնությամբ։
2019 թվականին համաժողովը անցկացվելու է Հայաստանում։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: