Երեւան: Մեդիամաքս: Աղավնաձորի ճամբարում կայացել է ՀՀ սփյուռքի նախարարության «Արի տուն» ծրագրի երրորդ փուլի փակման արարողությունը:
Դիմելով մասնակիցներին, ՀՀ սփյուռքի նախարարի տեղակալ Վահագն Մելիքյանն ասել է.
«Դուք մեր ապագան եք: Պահեք ու պահպանեք մեր երկիրը, պահպանեք մեր լեզուն ու ավանդույթները: Հավատում եմ, որ այս օրերը ուրախ ու բովանդակալից են անցել, եւ ձեր կապը Հայրենիքի հետ ավելի կսերտանա: Երբ վերադառնաք տուն, կլինեք Հայաստանի դեսպանները Սփյուռքում: Բոլորդ ամուր կապվեք իրար, ցանց ստեղծեք, ներգրավեք նաեւ ձեր մյուս ընկերներին, եղեք համախմբված եւ միասնական»:
Ծրագրի այս տարվա երրորդ փուլին մասնակցում էր 172 սփյուռքահայ պատանի ու աղջիկ Ռուսաստանից, Ուկրաինայից, Բելառուսից, Մոլդովայից, Վրաստանից, Թուրքիայից, Հորդանանից, Քուվեյթից, ԱՄՆ-ից, Նիդերլանդներից, Կիպրոսից, Չեխիայից եւ Շվեդիայից:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: