Երեւան: Մեդիամաքս: Ռուսաստանի ԱԳՆ մամուլի քարտուղար Մարիա Զախարովան մեկնաբանել է Ադրբեջանի կողմից օկուպացված հայկական Ավետարանոց գյուղում Հայրենական մեծ պատերազմի զոհված հերոսների հուշարձանի պղծումը:
«Հուշարձանների պղծման վերաբերյալ մեր սկզբունքային դիրքորոշումը հայտնի է: Հուշարձանների ցանկացած պղծում անընդունելի է, իսկ երբ խոսքը վերաբերում է Հայրենական մեծ պատերազմի հերոսների հուշարձաններին, ապա սկզբունքորեն այլ դիրքորոշում լինել չի կարող:
Մենք կապ ենք հաստատել մեր ադրբեջանցի գործընկերների հետ: Նրանք մեզ հավաստիացրել են, որ գերեզմանատների ու Հայրենական մեծ պատերազմի ընթացքում զոհված զինվորների հուշարձանների քանդման գործողությունները ժամանակին արձանագրվել են Ադրբեջանի կողմից: Նման գործողությունները պարզելու համար անցկացվում է քննություն: Նրանք, ովքեր կատարում են վանդալիզմի գործողություններ, ենթարկվում են պատասխանատվության: Նման գործողությունները կտրականապես չէն խրախուսվում», - ասել է Զախարովան:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: