Երեւան։ Մեդիամաքս։ Սեպտեմբերի 25-ին Արցախի Ասկերանի շրջանում վառելիքի պահեստում տեղի ունեցած խոշոր պայթյունի հետեւանքով տարբեր աստիճանի այրվածքներով 290 մարդ տեղափոխվել է հիվանդանոցներ:
Արցախի առողջապահության նախարարությունից հայտնել են, որ պայթյունից տուժած տասնյակ հիվանդներ դեռեւս ծայրահեղ ծանր վիճակում են։
7 հիվանդի կյանք հնարավոր չէր փրկել եւ նրանք մահացել են հիվանդանոցում։ 13 չճանաչված մարմին տեղափոխվել է «Դատաբժշկական փորձաքննության բյուրո»։
«Բազմաթիվ անձինք անհետ կորած են համարվում»,- ասված է հաղորդագրությունում։
Հայաստանի առողջապահության նախարարությունը հայտնել է, որ բժիշկների թիմը անհրաժեշտ դեղորայքով եւ բժշկական պարագաներով ուղղաթիռով մեկնել է դեպի Ստեփանակերտ։ «Ստեփանակերտի կենտրոնական հիվանդանոցում պացիենտները նախապատրաստվում են տեղափոխման»,- ասված է հաղորդագրությունում։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: