Երեւան: Մեդիամաքս: Ռուսաստանցի սակրավորները Ստեփանակերտում «հայտնաբերել են հսկայական քանակությամբ М-85 «Колокольчик» տեսակի չպայթած կասետային զինամթերք»:
Այս մասին «Ռոսիյսկայա գազետա»-ին տված հարցազրույցում պատմել է ՌԴ Զինված ուժերի ինժեներական զորքերի պետ, գեներալ-լեյտենանտ Յուրի Ստավիցկին:
Միջազգային օրենսդրությունն արգելում է խիտ բնակեցված տարածքներում կասետային զինամթերքի օգտագործումը:
«Մեր սակրավորները հայտնաբերում են հսկայական քանակությամբ լքված եւ չպայթած զինամթերք շփման գծում: Ականազերծվել են դեպի հայկական և ադրբեջանական զորքերի մարտական դիրքեր տանող ճանապարհները: Լաչինի միջանցքի երկայնքով, մի շարք կամուրջների վրա եւս հայտնաբերվել էր պայթեցման պատրաստ զինամթերք, որը հաջողությամբ չեզոքացվել է մեր սակրավորների կողմից»,- ասել է գեներալ Ստավիցկին:
Նա հայտնել է նաեւ, որ «մենք հանդիպում ենք անօդաչու թռչող սարքերի մնացորդների, որոնց վրա կա սպառազինություն»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: