Երեւան: Մեդիամաքս: Միացյալ Թագավորության արտաքին գործերի, համագործակցության եւ զարգացման նախարարության Եվրոպական հարեւանության եւ Ամերիկայի հարցերով նախարար Ուենդի Մորթընը փետրվարի 16-ին առաջին անգամ կայցելի Հայաստան:
Երկօրյա այցի ընթացքում Ուենդի Մորթընը Երեւանում կբացի Բրիտանական դեսպանության նոր գրասենյակը, հանդիպումներ կունենա ՀՀ նախագահ Արմեն Սարգսյանի եւ արտաքին գործերի նախարար Արա Այվազյանի հետ:
Նախարարը կայցելի նաեւ Վանաձորի տեխնոլոգիական կենտրոն՝ հանդիպելու բիզնեսի ու նորարարության մեջ ներգրավված կանանց եւ կին ձեռներեցների հետ:
Այցին ընդառաջ Ուենդի Մորթընն ասել է. «Միացյալ Թագավորությունը հանձնառու է Հայաստանի հետ տեւական բարեկամությանը: Ես անհամբերությամբ եմ սպասում Արմեն Սարգսյանի եւ Արա Այվազյանի հետ հանդիպումներին՝ քննարկելու մեր երկրների միջեւ ավելի սերտ կապեր ստեղծելու եւ գլոբալ մարտահրավերների, ներառյալ՝ կլիմայի փոփոխության եւ COVID-19-ի դեմ պայքարի ուղղությամբ միասին աշխատելու բազմաթիվ հնարավորությունները»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: