Երեւան: Մեդիամաքս: ՄԻԵԴ-ում Հայաստանի ներկայացուցիչ Եղիշե Կիրակոսյանն այսօր ասել է, որ Թուրքիայի նկատմամբ ՄԻԵԴ-ի կողմից միջանկյալ միջոցի կիրառման ամենամեծ արժեքն այն է, որ որոշումը կայացրել է մեր ներկայացրած ապացույցների հիման վրա:
«Դատարանը փաստել է Թուրքիայի ներգրավվածության հանգամանքը»,- ասել է Եղիշե Կիրակոսյանը՝ շեշտելով, որ ՄԻԵԴ որոշման առկայությունն արդեն մեծ քայլ է:
Նրա խոսքով՝ «դատարանի վճռի մասին կարելի է խոսել այն ժամանակ, երբ Հայաստանը հիմնական գանգատ կներկայացնի»:
«Ներկայումս ոչ Ադրբեջանի, ոչ Թուրքիայի հետ կապված մենք դեռ հիմնական գանգատ չենք ներկայացրել»,- ասել է ՄԻԵԴ-ում Հայաստանի ներկայացուցիչը:
Մեդիամաքսը հիշեցնում է, որ հոկտեմբերի 6-ի որոշումով ՄԻԵԴ-ը կոչ էր արել ուղղակի կամ անուղղակի ներգրավված բոլոր երկրներին, այդ թվում Թուրքիային, զերծ մնալ քաղաքացիական բնակչության՝ Կոնվենցիայով պաշտպանվող իրավունքները խախտելուց:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: