Երևան: Մեդիամաքս: Մարդու իրավունքների եվրոպական դատարանը (ՄԻԵԴ) ստացել է Հայաստանից դիմումը Թուրքիայի դեմ քայլեր ձեռնարկելու պահանջով:
Այս մասին ՏԱՍՍ-ին հայտնել են ՄԻԵԴ մամուլի ծառայությունում:
Դատարանի մամուլի ծառայության ներկայացուցիչը չի հստակեցրել, թե կոնկրետ երբ է քննարկվելու դիմումը: Սովորաբար գործընթացը տեւում է մի քանի օր:
Սեպտեմբերի 29-ին ՄԻԵԴ-ը որոշում էր կայացրել բավարարել Հայաստանի դիմումը` կիրառելով միջանկյալ միջոց: Մասնավորապես, դատարանը կոչ էր արել Հայաստանին եւ Ադրբեջանին ձեռնպահ մնալ այնպիսի միջոցների գործադրումից, որոնք կարող են առաջացնել քաղաքացիական բնակչության իրավունքների` Կոնվենցիայով նախատեսված խախտումներ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: