Երեւան: Մեդիամաքս: Այսօր ՀՀ ՊՆ Պաշտպանական ազգային հետազոտական համալսարան է այցելել Սերբիայի Պաշտպանական համալսարանի պատվիրակությունը՝ համալսարանի ռեկտոր Մլադեն Վուրունայի գլխավորությամբ:
Համալսարանի պետ, գեներալ-լեյտենանտ Հայկ Քոթանջյանը նշել է, որ Պաշտպանական համալսարանում կատարվող հետազոտությունների հիման վրա Հայաստանի ռազմաքաղաքական ղեկավարությանն են ներկայացվում ռազմավարական գնահատումներ եւ առաջարկություններ:
Սերբական կողմը բարձր է գնահատել ՊԱՀՀ-ի գործունեությունը եւ գոհունակություն հայտնել ճանաչողական այցի կապակցությամբ:
Պատվիրակության անդամները հույս են հայտնել, որ այս այցը սկիզբ կդնի երկու հաստատությունների միջեւ համագործակցության:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: