Երեւան: Մեդիամաքս: ՀՀ վարչապետ Նիկոլ Փաշինյանը հայ ժողովրդի անունից գնահատանքի խոսք է հղել ԱՄՆ Սենատի եւ Ներկայացուցիչների պալատի անդամներին՝ Հայոց ցեղասպանությունը ճանաչող եւ դատապարտող բանաձեւն ընդունելու համար:
«Ուզում եմ շնորհավորել հայ ժողովրդին ճշմարտության այս պատմական հաղթանակի առիթով, որը Հայոց ցեղասպանության միջազգային ճանաչման նոր էջ է բացում եւ այդ գործընթացը բերում է նոր մակարդակի»,- ասել է կառավարության ղեկավարը:
Նիկոլ Փաշինյանի խոսքով՝ Միացյալ Նահանգների եւ մի շարք այլ երկրների կայացրած որոշումներն արձանագրում էին Թուրքիայի վարած ապակառուցողական եւ ագրեսիվ քաղաքականությունը տարածաշրջանում:
Վարչապետն ընդգծել է նաեւ, որ ինչպես Հայաստանի նախկին բոլոր կառավարությունները, ներկայիս կառավարությունը նույնպես պատրաստ է Թուրքիայի հետ հարաբերություններ հաստատել՝ առանց նախապայմանների:
«Եվ, ընդ որում, մենք ասել ենք, որ Հայոց ցեղասպանության ճանաչումը մեզ համար Թուրքիայի հետ հարաբերությունների օրակարգի հարց չէ: Հայոց ցեղասպանության ճանաչումը հենց առաջին հերթին Թուրքիային է անհրաժեշտ, որպեսզի Թուրքիան վերանայի իր դերակատարումը մեր տարածաշրջանում», - ասել է Նիկոլ Փաշինյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: