ՄԱԿ-ի Բնակչության հիմնադրամի հայաստանյան գրասենյակը եւ Մեդիամաքս մեդիա-ընկերությունն այսօր ամփոփել են «Իմ աղջիկը» շարադրությունների համատեղ մրցույթի արդյունքները:
Շարադրությունները գնահատել է ՄԱԿ-ի Բնակչության հիմնադրամի հայաստանյան գրասենյակի եւ Մեդիամաքսի համատեղ ժյուրին, որի կազմում ընդգրկված էին 3-ական ներկայացուցիչ յուրաքանչյուր կազմակերպությունից: Ժյուրին գնահատել է աշխատանքները երկու չափանիշով՝ բովանդակություն եւ ոճ:
Ընդհանուր առմամբ, մրցույթին ներկայացվել էր 122 շարադրություն, որոնք ներկայացված են այս հղումով:
Հաղթող է ճանաչվել Աշոտ Բադալյանի շարադրությունը: Աշոտ Բադալյանը կստանա 7-օրյա ճանապարհորդություն Հայաստանով (հոր եւ դստեր համար) կամ դրամական պարգեւ՝ 850 000 ՀՀ դրամ: Ընտրությունը կկատարի հաղթողը:
Երկրորդ տեղը զբաղեցրել է Կարեն Կարապետյանի շարադրությունը: Կարեն Կարապետյանը կստանա դրամական պարգեւ՝ 350 000 ՀՀ դրամ:
Երրորդ տեղը զբաղեցրել է Հակոբ Կարապետյանի շարադրությունը: Հակոբ Կարապետյանը կստանա դրամական պարգեւ՝ 200 000 դրամ:
Հաղթողների պարգեւատրումը տեղի կունենան ս.թ. նոյեմբերի 25-ին:
ՄԱԿ-ի Բնակչության հիմնադրամի հայաստանյան գրասենյակն ու Մեդիամաքսը շնորհակալություն են հայտնում բոլոր մասնակիցներին եւ շնորհավորում են հաղթողներին:
