Երեւան: Մեդիամաքս: Մայիսի 27-ին` ժամը 18.30-ին, ՖլեշՄոբ Դիվիզիան Երեւանի Երիտասարդական Բանկի աջակցությամբ կիրականացնի "Անցնում ենք անցումներով” ֆլեշմոբը։
Ֆլեշմոբը սկսվելու է Մոսկովյան-Մաշտոց խաչմերուկից /Կասկադի մոտ/, Մաշտոցի պողոտայի անցումներով հասնելու է Ամիրյան փողոց, ապա Ամիրյան փողոցով` Հանրապետության հրապարակ եւ Վազգեն Սարգսյանի փողոցով` մինչեւ Անգլիական այգի /Գ. Սունդուկյանի անվ. թատրոնի այգի/:
Միջոցառման մասնակիցները կրելու են “կանաչ լույս” հաղորդագրություն պարունակող շապիկներ եւ անցումների մոտ սպասելու են կանաչ լույսին, ապա, շղթա կազմած հատելու են փողոցը:
