Երեւան: Մեդիամաքս: Հայկական ատոմակայանի 2-րդ էներգաբլոկի N3 եւ 4 տուրբոգեներատորները պլանային նախազգուշական վերանորոգումից հետո միացվել են Հայաստանի միասնական էներգահամակարգին:
Աշխատանքներն իրականացվել են ռեակտորային եւ տուրբինային արտադրամասերում, ինչպես նաեւ կենտրոնացված վերանորոգման արտադրամասում։ Իրականացվել է կառավարման համակարգերի քարշակների եւ ռեակտորի պաշտպանության գործիքային հետազոտությունը, ինչպես նաեւ մետաղի չքայքայող վերահսկման սարքերի ստուգումը։ Կատարած աշխատանքները թույլ են տվել էապես բարձրացնել էներգաբլոկի շահագործման անվտանգության եւ հուսալիության աստիճանը։
Հայկական ԱԷԿ-ի պլանային նախազգուշական աշխատանքների կատարման եւ սարքավորումների արդիականացման գլխավոր կապալառուն «Ռուսատոմ Սերվիս» ընկերությունն է, որը «Ռոսատոմ» պետկորպորացիայի էլեկտրաէներգետիկ ստորաբաժանման մասն է։
Արդեն հինգերորդ տարին Հայկական ԱԷԿ-ը համատեղում է պլանային-նախազգուշական վերանորոգումը կայանի շահագործման ժամկետի երկարաձգման ծրագրի իրականացման հետ, քանի որ միջոցառումների մեծ մասը տեխնոլոգիապես հասանելի է միայն կանգնեցված էներգաբլոկում։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: