Ֆոտոլրագրության հայր համարվող ֆրանսիացի լուսանկարիչ Անրի Կարտյե-Բրեսոնը (1908-2004թթ.) Խորհրդային Միություն այցելել է երկու անգամ:
Նրա առաջին այցը 1954 թվականին էր, երբ նա լուսանկարեց հիմնականում Մոսկվայում, եղավ նաեւ Ուզբեկստանում: Նա առաջին արտասահմանցի լուսանկարիչն էր, որը եկել էր ԽՍՀՄ Ստալինի մահից հետո:
Լուսանկարը` Անրի Կարտյե-Բրեսոն
Երկրորդ անգամ նա Խորհրդային Միություն եկավ գրեթե 20 տարի անց, 1972-ին, երբ արդեն 64 տարեկան էր: Այս անգամ նա այցելեց Մոսկվա, Լենինգրադ, Հայաստան, Վրաստան, Ադրբեջան, Թուրքմենստան, Ղրղզստան եւ Ուզբեկստան:
Անրի Կարտյե-Բրեսոնին է պատկանում հայկական կոնյակագործության լեգենդար վարպետ Մարգար Սեդրակյանի այս դիմանկարը:
Լուսանկարը` Անրի Կարտյե-Բրեսոն
Այս նկարը եւս արված է Երեւանի կոնյակի գործարանում՝ կանայք պատրաստում են կոնյակի տուփերը:
Լուսանկարը` Անրի Կարտյե-Բրեսոն
Իսկ այս նկարը համարվում է Անրի Կարտյե-Բրեսոնի գլուխգործոցներից մեկը: Այն կոչվում է «Հյուրերը Սեւանա լճում»:
Լուսանկարը` Անրի Կարտյե-Բրեսոն
Նկարում պատկերված փոքրիկ աղջիկը պետք է հիմա մոտ 50 տարեկան լինի: Հետաքրքիր է, արդյո՞ք նա գիտի, որ պատկերված է մեծ վարպետի լուսանկարում:
Այս նկարը եւս արված է Հայաստանում եւ կոչվում է «Թանգարանի պահակը»: Ցավոք, դժվար է կռահել, թե որ թանգարանում է այն արել Կարտյե-Բրեսոնը:
Լուսանկարը` Անրի Կարտյե-Բրեսոն
Սա արդեն Վրաստանն է: Ալավերդու վանքային համալիրն է՝ Կախեթի մարզի Ախմետայի շրջանում։ Լուսանկարը կոչվում է «Սուրբ Գեորգիի օրը»:
Լուսանկարը` Անրի Կարտյե-Բրեսոն
Այս նկարն էլ նույն շարքից է՝ մարդիկ նշում են Սուրբ Գեորգիի օրը Ալավերդու վանքի տարածքում:
Լուսանկարը` Անրի Կարտյե-Բրեսոն
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: