Երեւան /Մեդիամաքս/. ՀՀ խորհրդարանն այսօր ընտրել է Մարդու իրավունքների նոր պաշտպանին. Օմբուդսմեն է ընտրվել Կարեն Անդրեասյանը:
Ինչպես հաղորդում է Մեդիամաքս-ը, նա եղել է իշխող կոալիցիայի պատգամավորների կողմից առաջադրված միակ թեկնածուն:
Նոր Օմբուդսմենի ընտրությանը մասնակցել են 97 պատգամավորներ, որոնցից 83-ը քվեարկել են «կողմ», 13-ը` «դեմ»:
Նորընտիր Օմբուդսմենը իր ելույթում շնորհակալություն է հայտնել այն պատգամավորներին, ովքեր պաշտպանել են իր թեկնածությունը, ինչպես նաեւ նրանց, ովքեր դեմ են եղել, քանի որ «նրանց դիրքորոշումը թույլ կտա բարձրացնել Մարդու իրավունքների պաշտպանի գրասենյակի աշխատանքի նշաձողը»:
Կարեն Անդրեասյանը երդվել է հավատարիմ լինել ՀՀ օրենքներին եւ Սահմանադրությանը, պաշտպանել մարդու իրավունքներն ու ազատությունները, անաչառ եւ բարեխիղճ կատարել իր պարտականությունները:
