Ծանր հիվանդությունից հետո մահացել է Գերմանիայում Հայաստանի դեսպան Վահան Հովհաննիսյանը:

Վահան Հովհաննիսյանը Հայ Հեղափոխական Դաշնակցության ղեկավարներից էր, եղել էր ՀՅԴ Կենտրոնական Կոմիտեի եւ Բյուրոյի անդամ: 1995-1998 թթ. բանտարկված էր՝ հետագայում չհաստատված մեղադրանքներով։

1999, 2003, 2007, 2012 թվականներին ընտրվել էր ՀՀ Ազգային Ժողովի պատգամավոր: 2007-2008թթ. եղել էր ԱԺ նախագահի տեղակալ։

2013թ. դեկտեմբերի 28-ին Վահան Հովհաննիսյանը ՀՀ Նախագահի հրամանագրով նշանակվել էր Գերմանիայի Դաշնային Հանրապետությունում ՀՀ արտակարգ եւ լիազոր դեսպան։

Վահան Հովհաննիսյանը 58 տարեկան էր:

Այս հղումով կարող եք կարդալ Մեդիամաքս-ի հարցազրույցը Վահան Հովհաննիսյանը հետ, որն արվել էր 2012թ. մարտին՝ Persona շարքի շրջանակում: