Երեւան: Մեդիամաքս: Մաքսային միությանն անդամակցությունը նոր հնարավորություններ է ստեղծում Լեռնային Ղարաբաղի համար, այսօր ասել է ՀՀ ԱԺ ֆինանսավարկային եւ բյուջետային հարցերի հանձնաժողովի նախագահ Գագիկ Մինասյանը:
Նրա խոսքով, մասնավորապես, հնարավորություններ են ստեղծվում տնտեսական ակտիվության եւ նոր ներդրումների ներգրավման տեսակետից:
«Հայաստանը դառնում է Եվրասիական տնտեսական միության անդամ, իսկ ՀՀ-ն եւ ԼՂՀ-ն միասնական տնտեսական տարածք են, որտեղ բացակայում է մաքսային սահմանը»,- ասել է նա:
Գագիկ Մինասյանը նշել է, որ Լեռնային Ղարաբաղը, չդառնալով ՄՄ անդամ, «դե ֆակտո դառնում է միության տարածք»:
Հանձնաժողովի նախագահի համոզմամբ, մինչեւ հուլիսի 1-ը Հայաստանը կունենա Մաքսային միության անդամի կարգավիճակ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: