Երեւան: Մեդիամաքս: ՀՀ վարչապետ Նիկոլ Փաշինյանը բելգիահայ համայնքի ներկայացուցիչների հետ հանդիպմանն ասել է, որ «եկել է ժամանակը մեր հայրենիքի հետագա հաղթանակների հզորացման, բարեկեցության եւ երջանկության բեռը մեր ուսերին կրելու համար»:
«Ժողովրդի հաղթանակն ու նրա առաջ անվերապահ եւ առանց նախապայմանի կապիտուլյացիան տեղի ունեցավ, որովհետեւ մեր ժողովուրդը միասնական էր. քան երբեւէ: Եվ այս միասնականությունը մենք պետք է շարունակենք օգտագործել որպես հայ ժողովրդին, Հայաստանի Հանրապետությանը, Արցախին շարունակական հաղթանակներ բերող վճռական գործոն»,- հայտարարել է ՀՀ վարչապետը:
Նրա խոսքով՝ «եկել է ժամանակը, որ բոլորս լինենք միասին, ապրենք իրար հետ Հայաստանի Հանրապետությունում»:
«Եվ ես ձեզ կոչ եմ անում, ձեր ընտանիքներում ամեն օր, ամեն ճաշին խոսել Հայաստան վերադառնալու մասին, կապ չունի դուք մի ամսից դա կանեք, թե մեկ տարուց, հինգ, թե 15 տարուց, բայց ձեր երեխաներն ամեն օր պետք է լսեն, որ ձեր նպատակը Հայաստան վերադառնալն է, Հայաստանում ապրելը, Հայաստանը հզորացնելն ու ծաղկեցնելը»,- ասել է Նիկոլ Փաշինյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: