Երեւան: Մեդիամաքս: Շվեդիայի արտաքին գործերի նախարար Էն Լինդեն այսօր ասել է, որ չլուծված հակամարտությունների կարգավորումը լինելու է ԵԱՀԿ-ում իր երկրի նախագահության կարեւոր առաջնահերթություններից մեկը:
Այսօր հանդես գալով ԵԱՀԿ Մշտական խորհրդի նիստում Էն Լինդեն հիշատակել է Լեռնային Ղարաբաղր, Ուկրաինան, Մոլդովան, Վրաստանն ու Բելառուսը:
«Հակամարտությունների առաջացրած մարդկային տառապանքները եւ սպառնալիքները միջազգային խաղաղությանն ու անվտանգությանը պարզապես անընդունելի են: Ուստի հակամարտությունների կարգավորումը պետք է հատուկ տեղ ունենա մեր օրակարգում», - ասել է Շվեդիայի արտաքին գործերի նախարարը:
Նա ավելացրել է, որ բոլոր հակամարտությունների դեպքում ԵԱՀԿ-ում նախագահող Շվեդիան կոչ է անելու հարգել միջազգային իրավունքը, աջակցելու է մարդասիրական հետեւանքները մեղմելուն եւ պաշտպանելու է ներառական մոտեցումը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: