Երեւան: Մեդիամաքս: ՀՀ արտաքին գործերի նախարար Էդվարդ Նալբանդյանն այսօր ասել է, որ Ադրբեջանն ամիսներ շարունակ մերժում է իրականացնել Վիեննայում եւ Սանկտ Պետերբուրգում բարձր մակարդակով ձեռք բերված պայմանավորվածությունները:
ՀՀ ԱԳՆ-ում նշել են, որ Էդվարդ Նալբանդյանն այս մասին ասել է ԵԱՀԿ Մինսկի խմբի համանախագահների հետ հանդիպմանը:
Էդվարդ Նալբանդյանն ընդգծել է, որ Ադրբեջանի ղեկավարության կողմից հնչող հայտարարությունները վնասակար են բանակցային գործընթացի համար:
«Ի հակառակ ԵԱՀԿ Մինսկի խմբի համանախագահ երկրների բազմաթիվ կոչերի՝ զերծ մնալ առավելապաշտական եւ սադրիչ հռետորաբանությունից եւ գործողություններից՝ Բաքուն շարունակում է այդ գործելաոճը»,- ասել է ԱԳ նախարարը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: