Երեւան: Մեդիամաքս: Իլհամ Ալիեւի կարծիքով, Եվրոպայի խորհուրդը կարող է դառնալ այն հարթակը, որը կնպաստի Ադրբեջանի եւ Հայաստանի միջեւ վստահության ձեւավորման գործընթացին։
Ինչպես հաղորդում է Ադրբեջանի նախագահի մամուլի ծառայությունը, Ալիեւն այս մասին ասել է այսօր Բաքվում՝ ընդունելով Եվրոպայի խորհրդի գլխավոր քարտուղար Մարիա Պեյչինովիչ-Բուրիչին։
Ըստ հաղորդագրության՝ Ալիեւը նրան տեղեկացրել է «Հարավային Կովկասում նոր իրավիճակի, Հայաստանի հետ հարաբերությունները կարգավորելու Ադրբեջանի առաջարկների, ինչպես նաեւ Ադրբեջանի ազատագրված տարածքներում առկա իրավիճակի մասին»։
«Նա նշել է, որ Եվրոպայի խորհուրդը կարող է հարթակ դառնալ, որը կնպաստի երկու երկրների միջեւ վստահության ձեւավորմանը եւ Հարավային Կովկասի ինտեգրված տարածաշրջանի ստեղծմանը»,- ասվում է զեկույցում։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: