Երեւան: Մեդիամաքս: Ռուսաստանի արտգործնախարար Սերգեյ Լավրովը նոյեմբերի 10-11-ը պաշտոնական այցով կայցելի Հայաստան:
Ռուսաստանի ԱԳՆ մամուլի խոսնակ Մարիա Զախարովան այսօր ճեպազրույցում ասել է, որ Լավրովը Երեւանում հանդիպումներ կունենա ՀՀ վարչապետի, նախագահի եւ արտաքին գործերի նախարարի հետ:
Սերգեյ Լավրովը եւ Զոհրաբ Մնացականյանը կմասնակցեն Հայրենական Մեծ պատերազմում Հաղթանակի 75-ամյակին նվիրված ցուցահանդեսի բացմանը:
Ռուսաստանի արտգործնախարարը ելույթ կունենա Երեւանի բուհերի դասախոսների եւ ուսանողների առջեւ:
Այցի շրջանակում նախատեսվում է ստորագրել երկու երկրների արտաքին գործերի նախարարությունների 2020-2021թթ. խորհրդատվությունների ծրագիրը:
«Մենք ակնկալում ենք, որ Սերգեյ Լավրովի այցը Երեւան լրացուցիչ խթան կհաղորդի հայ-ռուսական բազմապլան դաշնակցային համագործակցությանը»,- ասել է Մարիա Զախարովան:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: