Երեւան: Մեդիամաքս: Փետրվարի 9-10-ին Երեւանում անցկացվել է «Ռոսատոմ»-ի՝ մաթեմատիկայի, ֆիզիկայի եւ ճարտարագիտական օլիմպիադանների եզրափակիչ փուլը:
Միջոցառումները անցկացրել են ՄԻՖԻ Ազգային հետազոտական միջուկային համալսարանը եւ «Ռոսատոմ» պետկորպորացիան՝ Հայաստանի ազգային պոլիտեխնիկական համալսարանի համագործակցությամբ:
Եզրափակչի արդյունքները հայտնի կդառնան մարտի կեսերին:
Օլիմպիադայի հաղթողներն արտոնություններ կստանան Ռուսաստանի առաջատար համալսարաններ, այդ թվում՝ «Ռոսատոմ»-ի հենարանային համալսարան՝ ՄԻՖԻ ընդունվելիս:
«Այսօր Հայաստանում իրագործվում է Հայկական ԱէԿ-ի շահագործման ժամկետի երկարաձգման եւ արդիականացման նախագիծը: Բնագավառի հետագա զարգացումը, այդ թվում նոր ԱԷԿ-ի կառուցումը, երկրի համար ռազմավարական ուղղություններից է: Բացի այդ, աշխարհում ամեն տարի ավելանում է ոչ էներգետիկ նպատակներով ատոմի կիրառումը՝ միջուկային բժշկությունը, կոմպոզիտ նյութերի արտադրությունը եւ այլն: ՀէԿ շահագործող երկրիների փորձը վկայում է, որ միջուկային տեխնոլոգիաների զարգացումը նպաստում է երկրի տնտեսության զարգացմանը եւ մարդու կյանքի որակի բարելավմանը: Այդ պատճառով Հայաստանին միշտ պետք կլինեն ատոմային բնագավառի որակավորված մասնագետներ»,- նշել է Հայաստանում ՄԱԿ-ի էներգետիկայի ազգային փորձագետ Արա Մարջանյանը:
Օլիմպիադաների ընտրական փուլերում մասնակցել է Հայաստանի ֆիզիկա-մաթեմատիկական եւ հանրակրթական դպրոցների ավելի քան 200 աշակերտ:
Եզրափակիչ է անցել 80 մասնակից:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: