Երեւան: Մեդիամաքս: ՀՀ պաշտպանության նախարարի պաշտոնակատար Դավիթ Տոնոյանը աշխատանքային այցով Կոսովոյում է։
Հոկտեմբերի 31-ին Դավիթ Տոնոյանը Պրիշտինայում հանդիպել է Կոսովոյի ուժերի (KFOR) հրամանատար Սալվատորե Գուոչիի հետ։
Իտալացի գեներալը Դավիթ Տոնոյանին շնորհակալություն է հայտնել հայ խաղաղապահների բարեխիղճ ծառայության համար, հաղորդում է ՊՆ խոսնակ Արծրուն Հովհաննիսյանը:
ՀՀ պաշտպանական գերատեսչության ղեկավարը հանդիպում է ունեցել հայկական զորախմբի հետ։ Զորանոցային պայմաններին ծանոթանալուց հետո, Դավիթ Տոնոյանն այցելել է Սլատինա ռազմական օդանավակայան, որտեղ հայ խաղաղապահները ծառայություն են տանում։
Պաշտպանության նախարարի պաշտոնակատարը պարգեւատրել է աչքի ընկած զինծառայողներին։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: