Մեդիամաքսը շարունակում է ներկայացնել շաբաթ եւ կիրակի օրերը հետաքրքիր անցկացնելու տարբերակները:
ՇԱԲԱԹ, ՆՈՅԵՄԲԵՐԻ 10
Շաբաթ օրը Տիկնիկային թատրոնում երեխաներին զվարճացնելու է բարի, փափլիկ ու մեղրասեր «Վինի Փուհ արջուկը»: Ներկայացման սկիզբը՝ժամը 12:00-ին:
Տոմսերի արժեքը` 800-1400 դրամ:
***
Ստանիսլավսկու անվան ռուսական դրամատիկական թատրոնի բեմում պատանի հանդիսատեսին իր անհավանական պատմությունը կներկայացնի «Կարմիր գլխարկը»: Սկիզբը՝ շամը 13:00-ին:
Տոմսերի արժեքը՝ 800 դրամ:
***
Շաբաթ եւ կիրակի օրերին Հովհաննես Թումանյանի թանգարանում «Ճապոնիայի տիկնիկները» ցուցահանդեսը տեսնելու վերջին հնարավորությունն է:
Ցուցահանդեսում ներկայացված են Ճապոնիայից բերված մոտ 70 տիկնիկ, ՀՀ նախագահ Արմեն Սարգսյանի հիմնադրամին պատկանող մեկ տիկնիկ, ինչպես նաեւ՝ Թումանյանի ճապոնական հետաքրքրությունները:
***
Ժամը 18:00-ից կմեկնարկի «Բուկինիստ» գրախանութների ցանցի ավանդական Գրքոտ գիշերը, որի ընթացքում խանութի բոլոր մասնաճյուղերում ողջ տեսականու համար կգործի մինչու 30% զեղչ:
Կլինեն գրքափոխանակություններ այլ գրքասերների հետ, իսկ Մաշտոցի 20 հասցեում տեղի կունենա Բուկինիստ սրճարանի բացումը:
***
Ալ. Սպենդիարյանի անվան Օպերայի եւ բալետի թատրոնում ժամը 19:00-ին կկայանա աշխարհում ամենասիրված օպերաներից մեկի՝ Ժորժ Բիզեի «Կարմեն»-ի պրեմիերան:
Առաջին անգամ մեր Ազգային ակադեմիական թատրոնում «Կարմենը» բեմադրվել է 1934 թվականին, ընդհանուր առմամբ ունեցել է 5 բեմադրություն:
Նոր բեմադրության ռեժիսորը Նաիրե Ստեփանյանն է, իսկ Կարմենի դերում հանդես կգա գերմանաբնակ սոպրանո Կարինե Բաբաջանյանը:
***
Նույն ժամին «Արամ Խաչատրյան» համերգասրահում «Խաչատրյան նոն-ստոպ» համերգի ընթացքում Հայաստանի Պետական սիմֆոնիկ նվագախմբի կատարմամբ կհնչի կոմպոզիտորի ամենահայտնի կինոերաժշտությունը:
Տոմսերի արժեքը՝ 2 000-7 000 դրամ:
***
Ժամը 21:00-ին Կամերային թատրոնում Սերգեյ Դանիելյանը կներկայանա «Սերյոժիկ» ինքնակենսագրական մոնո-ներկայացմամբ, որտեղ մեծամասամբ հիշելու է երգիծական դրվագներ իր մանկությունից:
Տոմսերի արժեքը՝1 000-3 000 դրամ:
ԿԻՐԱԿԻ, ՆՈՅԵՄԲԵՐԻ 11
Կիրակի օրը Ilik-ում չի լինի-կլինի՝ «Գնդլիկ բոքոնիկը» կլինի: 3-ից 8 տարեկան երեխաների համար նախատեսված ներկայացման ընթացքում Գնդլիկ-բոքոնիկը փոքրիկների օգնությամբ փախչելու է նապաաստակից, գայլից եւ մնացած սոված հերոսներից:
Սկիզբը՝ ժամը 12:-00-ին:
Մասնակցության արժեքը՝ 1000 դրամ: Նախնական պարտադիր գրանցման զանգահարեք 098 54 69 66 հեռախոսահամարով:
***
In Art Studio-ում (Բաղրամյան 30) ժամը 12:00-ին մռայլ եղանակը «գունավորելու են» միանգամյա նկարչության դասընթացով: Նյութերը կտրամադրվեն ստուդիայի կողմից:
Մասնակցության արժեքը՝ 3 000 դրամ (մեծերը) եւ 2 000 դրամ (երեխաները):
Գրանցվելու համար զանգահարեք 091 16 69 96 հեռախոսահամարով:
***
ժամը 19:00-ին Փոքր թատրոնի բեմում «թռչելու է» Ռիչարդ Բախի «Ջոնաթան Լիվինգսթոն ճայը»:
Դրվագ ներկայացումիցՆերկայացումը նախատեսված է 12+ անձանց համար:
***
Ժամը 20:00-ից սկսած Pahest33-ում բոլոր երազողներն են հավաքվելու՝ Հայկ Կարապետյանի եւ Միքայել Ոսկանյանի կատարումների ներքո էլ ավելի շատ երազելու մտադրությամբ:
Միջոցառման մանրամասներին տեղեկանալու համար զանգահարեք 044 99 99 59 հեռախոսահամարով:
***
Կիրակին կարելի է թեժ կերպով ավարտել Club 12-ում, որտեղ ժամը 21:30-ին հանդես կգան Իվետա Մուկուչյանը եւ DJ Serjo-ն:
Լրացուցիչ տեղեկությունների համար զանգահարեք 096 25 1212, 011 44 1212 հեռախոսահամարներով:
Աննա Բուբուշյան
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: