Մեդիամաքս-ը շարունակում է «Մանկաբառ» հատուկ նախագիծը, որում գրի ենք առնում երեխաների հետաքրքիր մտքերը:
***
Լիլիթ, 5 տարեկան. Երբ մեծանա,ուզում է դառնալ երգչուհի (Լիդուշիկի նման)
Տանը երգում եմ, գրիչը վերցնում եմ ձեռքս ու պատկերացնում եմ, որ բեմի վրա եմ:
Եթե ինձ հանկարծ չընդունեն երգի դասարան, ես էլ կդառնամ բժիշկ:
Ուզում եմ այֆոն ունենամ, որ իրանով Վինքսերի խաղը խաղամ: Բացի Վինքսերից մեկ էլ Միկի Մաուսին եմ սիրում:
Չեմ սիրում գորշ արջերին՝ կծող են:
Կենդանաբանական այգում աղվեսիկին եմ հավանել:
Տանը խոսացող թութակ կպահեի, կսովորացնեի, որ ամեն ինչ իմ հետեւից կրկնի:
Իմ սիրած գույնը բաց վարդագույնն է. լավ կլիներ, որ տենց գույնի մազեր ունենայի ու լիքը ծաղիկներով զարդարեի:
Մանկապարտեզում մենակ ոսպով ճաշ չեմ սիրում:
Կենդանաբանական այգում սիրամարգը հենց ինձ տեսավ, զարմացավ ու պոչիկը բացեց:
Սիրել՝ նշանակում է իրար հետ ապրել, իսկ ընկերություն անել՝ նշանակում է իրար սիրել:
Մանկապարտեզում մեկ-մեկ խնդրում ենք, որ թողնեն բժշկական գործիքներով մի քիչ խաղանք: Դրա համար բժիշկներից չենք վախենում:
Գրի առավ Աննա Բուբուշյանը
Լուսանկարեց Էմին Արիստակեսյանը
Շնորհակալություն ենք հայտնում Աշտարակի «Մանուշակ» մանկապարտեզին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: