Մեդիամաքս-ը շարունակում է «Մանկաբառ» հատուկ նախագիծը, որում գրի ենք առնում երեխաների հետաքրքիր մտքերը:
***
Մարիամ, 5 տարեկան. Երբ մեծանա, ուզում է դառնալ ցածր դասարանների ուսուցչուհի:
Մենք արդեն ավագ խումբ ենք, ու էլ չենք քնում, բայց որ հոգնում ենք՝ պառկում, հանգստանում ենք:
Սպասում եմ ամառը գա, որ գնամ շոգ տեղ:
Ուզում եմ լողալ սովորեմ, որ ծովի ալիքներից չվախենամ:
Ես միաեղջյուր խաղալիք ունեմ, իրա անունը Լիզա է: Մի հատ ուրիշ տղա ձի Լիզայի կոտոշը վնասել ա, ես էլ դեղ եմ քսում, որ բուժվի:
Երազում եմ իսկական միաեղջյուրի հանդիպել: Գազանանոցում չեմ տեսել, երեւի պետք ա անտառում փնտրել:
Ընկերությունը լավ բան է:
Մանկապարտեզում իմ երկու սիրելի ընկերները Գրիգորն եւ Ռաֆայելն են:
Չեմ սիրում, երբ քույրիկիս հետ շուտ ենք պառկում քնելու: Մաման չի թողնում մուլտիկ նայենք, ասում ա՝ վաղը մանկապարտեզ պիտի գնաք, բայց ես իրա հետ համաձայն չեմ:
Հորեղբայրս ինձ շունիկ ա խոսք տվել, որ պապիկի տանը պահեմ: Անունը կլինի Աքելա: Աքելան՝ Մաուգլիի մասին մուլտիկի մեջի գայլն է:
Սիրում եմ շոկոլադե պաղպաղակ, բորդո գույնը եւ Հաֆ անունով փիսիկի մասին հեքիաթը:
Գրի առավ Աննա Բուբուշյանը
Լուսանկարեց Էմին Արիստակեսյանը
Շնորհակալություն ենք հայտնում «Հրաշք մանկիկ» մանկապարտեզի տնօրինությանը՝ նախագծին աջակցելու համար:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: