Մեդիամաքս-ը շարունակում է «Մանկաբառ» հատուկ նախագիծը, որում գրի ենք առնում երեխաների հետաքրքիր մտքերը: 

***
Էմիլի, 6 տարեկան. Երբ մեծանա, ուզում է դառնալ ռուսաց լեզվի դասատու

Քոլեջ եմ գնում: Այնտեղ երգեր ենք երգում, իսկ անգլերենի դասերին՝ գեղեցիկ գրքեր պատրաստում:

Անգլերեն իմ ամենասիրած բառն է՝ hello:

Շատ եմ սիրում  «Холодное сердце» հեքիաթի Էլզային, բայց երազում եմ պրինցեսա Մուլանը դառնալ:

Հետաքրքիր է՝ ինչու՞ են չինացիների աչքերը երկար: 

Երբ սիրում են՝ չեն ասում «չէ» ու միշտ ուզում են իրար կողք լինել:

Կենդանիներից ամենաշատը ձկնիկներ եմ սիրում, որովհետեւ նրանց ամսին եմ ծնվել: Կուզենայի տանը նարնջագույն ձկնիկ պահել՝ նրան մեզ մոտ լավ կլիներ:

Ուզում եմ գնամ դպրոց, որ շատ նոր բան իմանամ:

Չեմ սիրում հաց ուտել:

Տարվա իմ սիրելի եղանակը գարունն է, որովհետեւ ծառերի վրա սկսում են տերեւներ աճել:

Ամենասիրուն ծաղիկը՝ վարդագույն քաջվարդն է:

Գրի առավ Աննա Բուբուշյանը
Լուսանկարեց Էմին Արիստակեսյանը