Մեդիամաքս-ը շարունակում է «Մանկաբառ» հատուկ նախագիծը, որում գրի ենք առնում երեխաների հետաքրքիր մտքերը:
***
Նարե, 5 տարեկան. Երբ մեծանա, ուզում է դառնալ մեծերի ատամնաբույժ
Մեծ քույրիկ ունեմ `14 տարեկան, ու ապերիկ՝ ինձանից մեծ ա, բայց չգիտեմ՝ քանի տարեկան ա:
Ապերիկիս՝ Հրայրի հետ շատ ենք կռվում, բայց երբ քնում-զարթնում ենք, միշտ բարիշում ենք: Ես նրան շատ-շատ սիրում եմ:
Սիրում եմ, երբ ամառ ա գալիս՝ կարելի ա ելակ ու պաղպաղակ ուտել ու դրսում երկար խաղալ:
Տանը շունիկ ենք պահում, շատ մեծ ա ու շատ չար: Անունը Քինգ ա: Երբ իրանից չեմ վախենում՝ լավ խաղ ենք անում:
Մանկապարտեզում տղաների հետ կռվում ենք: Բայց դաստիարակներին չենք բողոքում, որովհետեւ խաբարբզիկությունը լավ բան չի:
Ամենաշատը սիրում եմ մամային օգնել:
Երազում եմ, որ մաման որ սենյակը մտնի՝ այնտեղ հավաքած ու ամեն ինչ իրանց տեղերում դրված լինի:
Չեմ սիրում կռվել, մեկ էլ՝ առավոտյան շուտ արթնանալ:
Կուզենայի մենակ լավ երազներ տեսնել:
Երբ սիրում են՝ իրար միշտ զիջում են:
Գրի առավ Աննա Բուբուշյանը
Լուսանկարեց Էմին Արիստակեսյանը
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: