Երեւան։ Մեդիամաքս։ «ՎԻՎԱ» բարեգործական հասարակական կազմակերպությունը հայտարարել է, որ Արցախից բռնի տեղահանվածների համար բժշկական օժանդակության շարժական շտաբներ կգործեն:
Ինչպես հայտնել են հիմնադրամից, յուրաքանչյուր տեղահանված արցախցի կարող է ստանալ բժիշկ-մանկաբույժի եւ բժիշկ-թերապեւտի խորհրդատվություն, ինչպես նաեւ գրանցվել իր գտնվելու մարզի բուժհաստատություններում:
«Քրոնիկ հիվանդությամբ տառապող անձանց լրացուցիչ օժանդակության տրամադրման հարցերը լուծվում են հիվանդի խնդիրների ճշգրտումից հետո։
Հատուկ ուշադրություն է հատկացվում կանանց եւ երեխաներին։ Նրանք կարող են ստանալ հիգիենայի պարագաներ եւ մանկական տակդիրներ։ Դեղամիջոցների ստացման հարցերը լուծվում են տեղում բժիշկ-թերապեւտի կողմից»,- ասված է հաղորդագրությունում:
Շտաբեր դիմող քաղաքացիները պետք է իրենց հետ ունենան անձնագիր եւ երեխաների ծննդյան վկայականներ։
Շարժական շտաբներն աշխատում են երկուշաբթիից կիրակի՝ ժամը 10:00-ից 19:00-ը։
Հայաստանի հինգ մարզում գործող շտաբերի հասցեներն են՝
Հրազդան, Միկրոշրջան փող.13, 16/1
Արտաշատ, Մշակույթի տուն
Էջմիածին, Շահումյան փող. 60
Գյումրի, Գարեգին Նժդեհի փող. 3
Գորիս, Գուսան Աշոտի փող. 26
Վանաձոր, №5 կլինիկա, Տարոն-2 տարածք, 10-1:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: