Երեւանի կենտրոնում՝ Մաշտոց 43 հասցեով, բացվել է թվով չորրորդ «Էպիգրաֆ» գրախանութը:
Արինե Քեշիշյանը, Դավիթ եւ Շահեն Մեհրաբյանները առաջին «Էպիգրաֆ»-ը Կոմիտաս 65 հասցեում բացել էին 2018 թվականի սեպտեմբերին:
2021 թվականի մարտին Աբովյան, 16 (Նկարիչների միության շենքում) բացվեց երկրորդ «Էպիգրաֆը», որին հետեւեց երրորդը՝ «Մեգամոլ» առեւտրի կենտրոնի երկրորդ հարկում:
Նոր «Էպիգրաֆ» բացվել է այն շենքում, որտեղ ապրել է ականավոր լեզվաբան Հրաչյա Աճառյանը:
Լուսանկարը` Մեդիամաքս
Ի տարբերություն մնացած «Էպիգրաֆ»-ների, այս մեկը երկհարկանի է:
Լուսանկարը` Մեդիամաքս
Առաջին հարկում կարող եք սուրճ գնել եւ բարձրանալ երկրորդ հարկի սրահներ:
Լուսանկարը` Մեդիամաքս
Հիմնադիրներն ասում են, որ նոր «Էպիգրաֆ»-ում փորձել են առավել հստակ զոնավորում ստանալ:
Լուսանկարը` Մեդիամաքս
Գեղարվեստական գրականությունը, արվեստին նվիրված կատալոգներն ու ալբոմները, ռուսերեն եւ անգլերեն գրքերը, նկարչական պարագաները, գրենական պիտույքները՝ բոլորն առանձին սրահներում են:
Լուսանկարը` Մեդիամաքս
Ի տարբերություն շատ այլ գրախանութների, նոր «Էպիգրաֆ»-ում գրքերը շարված եւ դասակարգված են այնպես, որ այցելուն իրեն առավել հարմարավետ ու հանգիստ է զգում:
Լուսանկարը` Մեդիամաքս
Սրահներում դրված են աթոռներ՝ մարդիկ կարող են նստել, թերթել գրքերը, զրուցել:
Լուսանկարը` Մեդիամաքս
Հիմնադիրներն ասում են, որ այդպիսով փորձում են գրախանութը վերածել մշակութային շփման հարթակի եւ չեն բացառում, որ այստեղ նաեւ հանդիպումներ, քննարկումներ եւ շնորհանդեսներ կլինեն:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: